Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ March nyɔhiɔ ɔ mi ɔ nɔ

“Wa ba slaa mo konɛ waa sɛɛ ní kpiti kɛ kɔ nɔ́ ko nɛ maa ya nɔ April 14 ɔ he. Be nɛ ɔ ji Yesu gbenɔ ɔ kaimi ɔ nɛ. Ni komɛ ma kai be nɛ ɔ ejakaa a susu kaa Yesu gbenɔ ɔ he hia. Ni komɛ hu li se námi nɛ ngɛ Yesu gbenɔ ɔ he. Anɛ o susu kaa Yesu gbenɔ ɔ he ngɛ se námi kɛ ha imi kɛ mo lo?” Ngmɛɛ lɛ blɔ nɛ e ha heto. Moo ngɔ March 1 Hwɔɔmi Mɔ ɔ se ɔ kɛ tsɔɔ lɛ, nɛ o kɛ lɛ nɛ susu munyu nɛ ngɛ kekle sane bimi ɔ sisi ɔ he nɛ ke e hí kulaa a, o kane ngmamihi nɛ a tsɛ se ɔ kake. Ha lɛ womi tɛtlɛɛ ɔmɛ, nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ he.

Hwɔɔmi Mɔ March 1

“Nihi fuu li nɔ́ heje nɛ Mawu ngmɛ blɔ nɛ dami sane nɛ a yi, kɛ nɔ nami ngɛ nɔ yae ngɛ je ɔ mi. Anɛ o susu kaa Mawu susuu we wa he, aloo e na kaa e hi kaa adesahi nɛ a na nɔ́ lo? [Ngmɛɛ lɛ blɔ nɛ e ha heto. Kɛkɛ ɔ, o kane Yohane 3:16.] Mwɔnɛ ɔ, nihi fuu tsɛɔ ngmami nɛ ɔ se, se a li bɔnɛ Mawu bi ɔ gbenɔ ɔ he baa mɛ se nami ha tutuutu. Womi tɛtlɛɛ nɛ ɔ tsɔɔ bɔnɛ Yesu gbenɔ ɔ ma ha nɛ dami sane nɛ a yi, kɛ nɔ́ nami se maa po ngɛ zugba a nɔ ha.”

Awake! March

“Wa ba slaa mo konɛ waa ngɔ be bɔɔ kɛ susu juɛmi nɛ dɛ nɛ nihi hɛɛ ngɛ ngmami nɛ ɔ he ɔ he. [Kane 1 Mose 1:1.] Ni komɛ he ngmami nɛ ɔ ye, kaa Mawu lɛ bɔ je ɔ, se ni komɛ hu he we yi. Kɛ moo o susu kɛɛ? [Ngmɛɛ lɛ blɔ nɛ e ha heto.] E he wa ha nihi fuu kaa a maa he ye kaa Mawu lɛ bɔ je ɔ ejakaa jami nya dali komɛ tsɔɔ nɔ́ ko nɛ pi jã nɛ Baiblo ɔ de. A tsɔɔ bɔnɛ Baiblo ɔ tsɔɔ kaa je ɔ plɛ kɛ ba ha a mi fitsofitso ngɛ womi nɛ ɔ mi.”