Fiɛɛmi Munyuhi

Nɛ a kɛ maa je Baiblo mi ní kasemi sisi ngɛ kekleekle Hɔ nɛ ngɛ December nyɔhiɔ ɔ mi ɔ nɔ

“Nihi fuu he ye kaa bɔfohi ngɛ. Mo hu o he ye jã lo? [Ngmɛɛ lɛ blɔ nɛ e ha heto.] Bɔfohi ji mumi mi adebɔ níhi nɛ a ngɛ he wami saminya, se anɛ o susu kaa a ma nyɛ maa ye bua wɔ lo? Baiblo ɔ tsɔɔ wɔ bɔ nɛ a yeɔ bua adesahi ha mwɔnɛ ɔ.” Moo ngɔ October-December Hwɔɔmi Mɔ ɔ se kɛ tsɔɔ lɛ, nɛ o kɛ lɛ nɛ susu munyu nɛ ngɛ kekle sane bimi ɔ sisi ɔ he, nɛ ke e hí kulaa a, o kane ngmamihi nɛ a tsɛ se ɔ kake. Ha lɛ womi tɛtlɛɛ ɔmɛ, nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ he.

Hwɔɔmi Mɔ October–December

“Anɛ o susu kaa adesahi ngɛ zugba a hɛ mi kpatae nɛ nɔ́ ko be hie peemi ngɛ he lo? [Ngmɛɛ lɛ blɔ nɛ e ha heto.] E ngɛ mi kaa adesahi nyɛ we nɛ a dla níhi nɛ a puɛ ɔ mohu lɛɛ, se Baiblo ɔ tsɔɔ kaa Mawu ma nyɛ ma dla níhi nɛ a puɛ ɔmɛ. Bua womi munyu ko ngɛ La 65:9. [Kane.] A tsɔɔ bɔ nɛ Mawu ma dla zugba a ha, kɛ bɔ nɛ wa ma ná jɔɔmihi hwɔɔ se ɔ mi ngɛ Hwɔɔmi Mɔ nɛ ɔ mi. Anɛ o suɔ nɛ ma ngɔ kɛ ha mo nɛ o ya kane lo?”

Awake! December

“Wa ba slaa mo konɛ wa susu hiɔ ko nɛ pɔɔ nihi a nya gbami mwɔnɛ ɔ he. World Health Organization nɛ ji ní tsumi he nɛ hyɛɛ hiɔ sanehi a mi ngɛ je ɔ mi ɔ bɔ amaniɛ kaa, ngɛ nimli eywiɛ a kpɛti ɔ, be ko maa su nɛ nɔ kake ma nyɛ ma ná juɛmi mi hiɔ. Anɛ o susu kaa juɛmi mi hiɔ pɔ he wawɛɛ mwɔnɛ ɔ lo? [Ngmɛɛ lɛ blɔ nɛ e ha heto.] Baiblo ɔ ha wɔ hɛ nɔ kami kaa be maa su nɛ nɔ ko be hiɔ nue hu, nɛ nɔ ko be nɔ́ nae hu. [Kane Kpojemi 21:3, 4.] Womi tɛtlɛɛ nɛ ɔ tsɔɔ ní komɛ nɛ e sa kaa nɔ tsuaa nɔ nɛ le ngɛ juɛmi mi hiɔ he.”