Wa He Nɛ Maa Be Ngɛ Fiɛɛmi Ní Tsumi ɔ Mi—Ngɔɔ Baiblo Tsɔɔmi Womi ɔ Kɛ Tsɔɔ Wetsɛ ɔ Bɔ Nɛ Waa Kɛ Nihi Kaseɔ Baiblo ɔ Ha
Nɔ́ He Je Nɛ E He Hia: Ke wa de nihi kaa waa kɛ mɛ maa kase Baiblo ɔ nɛ wa be mɛ nɔ́ ko hee ɔ, eko ɔ, a nui wɔ sisi. A ma nyɛ ma susu kaa e ma bi nɛ a ya piɛɛ kuu ko he kɛ kase, loo a ya e he sukuu. Enɛ ɔ he ɔ, e maa hi kaa wa maa tsɔɔ mɛ bɔ nɛ waa kɛ nihi kaseɔ Baiblo ɔ ha. Wa ma nyɛ maa ngɔ hɛngmɛfia bɔɔ pɛ kɛ tsɔɔ mɛ bɔ nɛ Baiblo mi ní kasemi ngɛ bua jɔmi ha a ngɛ a sinyahi a nya.
Moo Ka Enɛ ɔ Ngɛ Nyɔhiɔ ɔ Mi:
Moo sɔle nɛ Yehowa nɛ jɔɔ mɔde nɛ o ngɛ bɔe kaa o kɛ nɔ ko maa je Baiblo mi ní kasemi sisi ɔ nɔ.—Filip. 2:13.
Bɔɔ mɔde nɛ o ngɔ Baiblo Tsɔɔmi womi ɔ kɛ tsɔɔ wetsɛ ɔ bɔ nɛ waa kɛ nihi peeɔ Baiblo mi ní kasemi ha, loo be tsuaa be nɛ o maa ya fiɛɛmi ɔ, moo bɔ mɔde nɛ o je video nɛ ji Kɛ Wa Peeɔ Baiblo Mi Ní Kasemi Ha Kɛɛ? ɔ kɛ tsɔɔ nɔ ko.