Tsɔse Mɛ Konɛ A Ya Nɔ Nɛ A Sɔmɔ Yehowa Daa

Behi fuu ɔ, ke wa ye bua fiɛɛli ehehi, nɛ wa tsɔɔ mɛ bɔ nɛ a fiɛɛɔ ha saminya a, a bua jɔɔ fiɛɛmi yami he, nɛ a ba peeɔ fiɛɛli kpakpahi. (Abɛ 22:6; Flp 3:16) Ke o kɛ ga womihi nɛ nyɛɛ se ɔ tsu ní ɔ, o ma nyɛ maa ye bua nɔ ko nɛ o kɛ lɛ kaseɔ Baiblo ɔ konɛ e bua nɛ jɔ fiɛɛmi ní tsumi ɔ he wawɛɛ:

• Ke a ha nɔ ko nɛ o kɛ lɛ kaseɔ Baiblo ɔ he blɔ kaa e ya fiɛɛmi ɔ, mo bɔni lɛ ye buami amlɔ nɔuu. (km 8/15 1) Moo ye bua lɛ konɛ e na kaa e he hia nɛ e ya fiɛɛmi daa otsi. (Flp 1:10) Koo tu munyu ko nɛ ma jɔ̃ e kɔni mi ngɛ nyɛ zugba kpɔ ɔ he. (Flp 4:8) Moo wo lɛ he wami konɛ e kɛ fiɛɛmi yami kuu nɔ hyɛlɔ ɔ, kɛ fiɛɛli kpahi nɛ ya fiɛɛmi konɛ e kase níhi fuu kɛ je a ngɔ.​​—Abɛ 1:5; km 10/12 6 ¶3

  

• Ke a baptisi o Baiblo kaselɔ ɔ po ɔ, yaa nɔ nɛ o wo lɛ he wami, nɛ o ye bua lɛ ngɛ fiɛɛmi ní tsumi ɔ mi, titli ke nyɛ gbi “Mawu Suɔmi” womi ɔ nya loko a baptisi lɛ.​​—km 12/13 7

  

• Ke o kɛ fiɛɛlɔ ehe ko ya fiɛɛmi ɔ, ha nɛ o fiɛɛmi munyu ɔ nɛ pee kpiti. Ke e fiɛɛ kɛ tsɔɔ nɔ ko ɔ, moo je o tsui mi nɛ o je e yi. Moo tsɔɔ lɛ níhi nɛ e ma nyɛ maa pee konɛ e nyɛ nɛ e ya e hɛ mi ngɛ fiɛɛmi ní tsumi ɔ mi.​​—km 5/10 7