Mo Ya Sɔmɔ Ngɛ He Nɛ Fiɛɛli Fuu A He Hia Ngɛ

Loko o ma nyɛ maa hia kɛ je he nɛ o ngɛ ɔ kɛ ya he ko nɛ o li bɔ nɛ pee nɛ o nyɛ nɛ o bli o sɔmɔmi ní tsumi ɔ mi ɔ, ja o ngɛ hemi kɛ yemi. (Heb 11:8-10) Ke o ngɛ he susue kaa o maa hia kɛ ya he nɛ fiɛɛli fuu a he hia ngɛ ɔ, o kɛ o we asafo mi nikɔtɔma amɛ nɛ sɛɛ ní. Mɛni ní pɔtɛɛ komɛ o ma nyɛ maa pee nɛ maa ye bua mo nɛ o le ke ji o ma nyɛ maa su oti nɛ ɔ he, nɛ jehanɛ hu, o hla he nɛ o ma ya sɔmɔ ngɛ? Moo kane munyuhi nɛ wa womi ɔmɛ tu ngɛ sɔmɔmi ngɛ he nɛ fiɛɛli fuu a he hia ngɛ ɔ he ní. O kɛ nihi nɛ a nyɛ nɛ a hia kɛ ya ye bua asafo kpahi ɔ nɛ sɛɛ ní. (Abɛ 15:22) Moo sɔle kɛ ha Yehowa nɛ o de lɛ nɛ e tsɔɔ mo blɔ. (Yak 1:5) Moo kase he nɛ o suɔ kaa o maa hia kɛ yaa he ní, nɛ ke e maa hi ɔ, o ya slaa lejɛ ɔ ligbi bɔɔ komɛ loko o mwɔ o yi mi kpɔ.

NYƐƐ HYƐ VIDEO NƐ JI, O KƐ HEMI KƐ YEMI NƐ SƐ SINYA NƐ A BLI NƐ MA HA NƐ O TSU NÍ Ɔ MI​—MO YA SƆMƆ NGƐ HE NƐ FIƐƐLI FUU A HE HIA NGƐ, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni tsakemihi nɛ e ba biɔ nɛ Gabriel nɛ pee, nɛ mɛni nɛ ye bua lɛ?