Die speg se skokabsorberende kop

● ’n G-krag van tussen 80 en 100 is sterk genoeg om jou harsingskudding te laat opdoen. Tog kan die speg ’n G-krag van omtrent 1 200 weerstaan terwyl hy met sy snawel teen boombas kap. Hoe kry hierdie voël dit reg, klaarblyklik sonder om eens ’n kopseer te kry, wat nog te sê harsingskudding op te doen?

Dink hieraan: Navorsers het ontdek dat vier faktore die speg se kop skokabsorberend maak:

1. ’n Sterk maar buigsame snawel

2. ’n Tongbeen wat uit been en elastiese weefsel bestaan en die skedel omsluit

3. Sponserige been in ’n deel van die skedel

4. Min ruimte vir harsing-rugmurg-vog tussen die skedel en die brein

Elkeen van hierdie elemente absorbeer meganiese skok, wat die speg in staat stel om teen ’n tempo van tot 22 slae per sekonde teen ’n boom te kap sonder om enige breinskade op te doen.

Die speg se kop het navorsers geïnspireer om ’n omhulsel te ontwerp wat ’n G-krag van tot 60 000 kan weerstaan. Hulle sukses op hierdie gebied kan onder andere lei tot beter beskerming vir vlugopnemers, wat tans ’n G-krag van net omtrent 1 000 kan weerstaan. Kim Blackburn, ’n ingenieur by die Cranfield-universiteit in die Verenigde Koninkryk, sê dat ontdekkings in verband met die speg se kop “’n fassinerende voorbeeld [voorsien] van hoe die natuur ’n kombinasie van hoogs gevorderde strukture ontwikkel om ’n oplossing te vind vir ’n probleem wat aanvanklik onoorkomelik lyk”.

Wat dink jy? Het die speg se skokabsorberende kop per toeval ontstaan? Of is dit ontwerp?

[Diagram op bladsy 19]

(Sien publikasie vir oorspronklike teksuitleg)

1

2

3

4

[Foto-erkenning op bladsy 19]

Rooikopspeg: © 2011 photolibrary.com