Studie in die “Laat и Naam geheilig word”-brosjure
1 “Dank [Jehovah], roep sy Naam aan . . . verkondig dat sy Naam hoog is!” (Jes. 12:4). Dit is wat ons almal wil doen, en dit is een van die redes waarom die brosjure “Laat u Naam geheilig word”—Watter naam? gepubliseer is. Vandat dit vrygestel is, het hierdie brosjure ons gehelp om hierdie bevel nog doeltreffender uit te voer. Die meeste van ons het ongetwyfeld hierdie brosjure al gelees.
2 Om seker te maak dat almal vertroud is met die inhoud daarvan, het die Genootskap gereël dat dit vanaf 29 September by die Gemeentelike Boekstudie bestudeer word. Ons wil almal soveel moontlik by hierdie studies baat vind. Hoe kan ons dit doen?
VOORBEREIDING
3 Die sleutel is voorbereiding. Die brosjure sal soos gewoonlik bestudeer word, met die paragrawe wat gelees en gesiteerde tekste wat nageslaan word soos die tyd toelaat. Maar hoe kan ons voorberei aangesien die Genootskap nie vrae vir die paragrawe voorsien
het nie? Net soos ons kommentare oor artikels in Ons Koninkryksbediening voorberei. Lees elke paragraaf noukeurig deur, gaan gesiteerde tekste na en onderstreep dan die hoofgedagtes.
4 Daar is ’n bykomende stap vir die studiehouer. Wanneer hy die hoofgedagte in die paragraaf vind, sal hy ’n vraag formuleer om daardie gedagte uit te lig. Byvoorbeeld: In die eerste paragraaf op bladsy 3 word die Onse Vader bespreek, veral die eerste paar woorde daarvan. Die studiehouer kan dus vra: “Watter gebed ken die meeste godsdienstige persone? Hoe begin daardie gebed?” Die tweede paragraaf toon die belangrikheid wat Jesus aan God se naam geheg het. Die studiehouer kan vra: “Wat is die belangrikste werk wat Jesus gedoen het terwyl hy op die aarde was? Hierdie werk is belangriker as watter ander dinge?” Vrae moet kort, duidelik en saaklik wees. Vrae moet gewoonlik een op ’n slag gevra word.
5 Die groot vensters bevat belangrike inligting wat bespreek moet word direk na die paragraaf waarmee dit die nouste saamhang. Die venster op bladsy 8 kan byvoorbeeld na paragraaf 1 op bladsy 8 bespreek word. Die groot venster op bladsy 10 kan bespreek word wanneer paragraaf 2 op bladsy 10 gedek is. En die venster op bladsy 21 kan na paragraaf 3 op bladsy 21 bespreek word.
6 In party gevalle sal die studiehouer dit dalk verkies om al die paragrawe in die venster saam te lees en die venster dan as ’n geheel te bespreek in plaas van een paragraaf op ’n slag. Die broers kan kommentaar lewer oor die kleiner vensters en illustrasies. As hulle dit nie doen nie, moet die studiehouer die aandag op die inligting vestig wanneer dit gepas is. Lok ook kommentaar uit oor die prente op bladsy 26, 27 en 29.
7 Ons studie in die brosjure “Laat u Naam geheilig word”—Watter naam? sal ons help om oor Jehovah se naam te peins (Mal. 3:16). As ons pligsgetrou voorberei en elke studie bywoon, sal ons bevoeg wees om ander te help om ook oor Jehovah se naam te peins.