Teokratiese Nuus

♦ Belize het onlangs hulle twee kringbyeenkomste afgesluit met ’n rekordopkoms van 1 742. Daar was 705 verkondigers wat gedurende daardie maand gerapporteer het.

♦ Die reeks “Goddelike vrede”-Streekbyeenkomste wat in Bolivia gehou is, het ’n rekordopkoms van 14 136 gehad. Daar was 4 763 verkondigers wat gedurende Desember gerapporteer het.

♦ Porto Rico se reeks kringbyeenkomste is deur 38 884 bygewoon, wat uitstekend is as dit vergelyk word met die 21 673 verkondigers wat in Desember gerapporteer het.

♦ Die Mabopane-gemeente, wat noord van Pretoria geleë is, het hulle nuwe Koninkryksaal op 31 Januarie 1987 toegewy. Die saal is in ongeveer 9 maande gebou, het sitplek vir 250 mense en huisvesting vir pioniers. Die geestelik opbouende program is deur 650 geniet.