Teokratiese Nuus

♦ Die Dominikaanse Republiek het in Desember ’n hoogtepunt van 11 205 verkondigers gerapporteer. Die Bybelstudies het van verlede Desember met 18 persent tot 20 067 vermeerder, en herbesoeke het met 25 persent vermeerder.

♦ Guyana se hoogtepunt van 1 468 verkondigers in Desember is ’n vermeerdering van 8 persent vergeleke met verlede jaar se gemiddelde.

♦ Ierland het in Desember sy negende agtereenvolgende verkondigerhoogtepunt bereik met 2 930 wat gerapporteer het. Daar was ook ’n hoogtepunt van 298 gewone pioniers.

♦ ’n Hoogtepunt van 163 692 verkondigers is gedurende Desember in Italië bereik, ’n vermeerdering van 5 persent vergeleke met verlede jaar se gemiddelde. Gemeenteverkondigers het gemiddeld 13,1 uur in die velddiens deurgebring.

♦ Martinique het in Desember ’n hoogtepunt van 2 649 verkondigers gehad wat ’n vermeerdering van 9 persent was, hulle vierde agtereenvolgende verkondigerhoogtepunt. Hulle spesiale byeenkomsdag is deur 4 941 bygewoon, en 77 is gedoop.

♦ Peru het in Desember steeds goeie groei beleef toe ’n hoogtepunt van 29 187 verkondigers gerapporteer is, ’n vermeerdering van 11 persent vergeleke met dieselfde maand ’n jaar gelede. Gemeenteverkondigers het gemiddeld 14,8 uur in die velddiens deurgebring.