Volg Jehovah na deur opreg vir ander om te gee
1 Jehovah Is Die Grootste Voorbeeld Van Iemand Wat Opregte Besorgdheid Teenoor Ander Openbaar. As Die Universele Soewerein Is Hy Terdeë Bewus Van Die Behoeftes Van Sy Menseskepping (1 Pet. 5:7). Jesus Het Sy Volgelinge Aangespoor Om Die Eienskappe Van Sy Vader Aan Die Dag Te Lê, Wat Die Son Laat Opgaan Oor En Dit Laat Reën Op Regverdiges En Onregverdiges (Matt. 5:45). Jy Kan Jehovah Navolg Deur Opregte Besorgdheid Oor Ander Te Toon—Deur Bereid Te Wees Om Die Koninkryksboodskap Aan Almal Wat Jy Teëkom Mee Te Deel. As Jy Deeglik Vertroud Is Met Die Brosjures Wat Gedurende Julie In Die Bediening Gebruik Gaan Word, Sal Jy In Staat Wees Om Aan Ander Geestelike Bystand Te Verleen. Die Volgende Wenke Gee ’n Mens ’n Idee Van Hoe Jy Vir Die Eerste Besoek Kan Voorberei En Belangstelling Dan Verder Kan Kweek Deur Tydige Herbesoeke Te Doen.
2 Wanneer jy die brosjure “Gee God werklik vir ons om?” aanbied, kan jy sê:
◼ “Het jy al ooit gewonder waarom God toelaat dat mense ly as hy werklik vir hulle omgee? [Wag vir ’n antwoord.] Hierdie brosjure gee nie net die bevredigende antwoord op hierdie vraag nie, maar toon ook dat God belowe het om al die skade wat die mens homself en sy aardse tuiste berokken het ongedaan te maak.” Lees paragraaf 23 op bladsy 27. Wys die prent daaronder en lees Psalm 145:16 uit paragraaf 22. Bied die brosjure teen R1,00 aan. As die huisbewoner dit neem, kan jy ’n vraag vra wat tydens die volgende besoek beantwoord sal word, soos: “Sal jy graag wil weet hoe God sy voorneme gaan volbring om die mensdom te seën en die aarde in ’n paradys te omskep?”
3 Wanneer jy teruggaan na diegene by wie jy die brosjure “Gee God werklik vir ons om?” gelaat het, kan jy nog ’n bespreking so begin:
◼ “Toe ek laas hier was, het ons bespreek dat God inderdaad vir ons omgee en dat dit sy voorneme is om al die skade wat die mens homself en sy aardse tuiste berokken het ongedaan te maak.” Maak die brosjure by die prent op bladsye 2-3 oop en sê: “Ons het ons gesprek beëindig met die vraag: Hoe gaan God sy voorneme volbring om die mensdom te seën en die aarde in ’n paradys te omskep? Wat dink jy?” Wag vir ’n antwoord. Blaai na bladsy 17 en lees paragraaf 2 en Daniël 2:44. Lees daarna paragraaf 12 op bladsy 18. Vra die huisbewoner of hy deel 9 van die brosjure saam met jou wil bespreek. As hy wil, kan jy dit met hom studeer.
4 Hierdie benadering kan gebruik word wanneer die brosjure “Wanneer ’n geliefde sterf” aangebied word. Wys die buiteblad en sê:
◼ “Vandag bied ons hierdie brosjure aan wat vertroosting en hoop gebied het vir miljoene mense wat geliefdes aan die dood afgestaan het. Het jy al ooit gewonder watter hoop daar vir die dooies is? [Wag vir ’n antwoord.] Die Bybel sê duidelik dat God ’n opstanding belowe.” Lees Johannes 5:28, 29. Maak die brosjure oop en lewer kommentaar oor die laaste paragraaf op bladsy 28 en die eerste paragraaf op bladsy 31. Wys die bygaande prente. Bied die brosjure teen R1,00 aan. Jy kan die weg baan vir ’n herbesoek deur te vra: “Hoe kan ons seker wees dat die dood uiteindelik heeltemal tot niet gemaak sal word?”
5 Waar jy die brosjure “Wanneer ’n geliefde sterf” gelaat het, kan jy hierdie aanbieding met die herbesoek gebruik:
◼ “Met ons vorige gesprek het ons die wonderlike hoop op die opstanding bespreek. Die brosjure wat ek by jou gelaat het, verduidelik waarom ons seker kan wees dat die dood uiteindelik heeltemal tot niet gemaak sal word. Het jy nie God se beloftes vertroostend en gerusstellend gevind nie?” Wag vir ’n antwoord. Blaai dan na bladsy 31 in die brosjure en lees die tweede en derde paragrawe, tesame met Openbaring 21:1-4. Vestig die aandag op die vooruitsig wat ons het om die lewe te geniet sonder om ooit te sterf. Na gelang van die belangstelling wat getoon word en die huidige omstandighede, kan jy ’n Bybelstudie in die Kennis-boek aanbied of nog ’n vraag vra om die weg te baan vir die volgende herbesoek.
6 Jy kan die volgende sê wanneer jy die brosjure “Wat is die doel van die lewe—Hoe kan jy dit vind?” aanbied:
◼ “Baie mense het al gewonder wat die doel van die lewe is. Hulle het hulle die vraag afgevra: ‘Waarom is ek hier? Waarheen is ek op pad? Wat hou die toekoms vir my in?’ Waar dink jy kan ons die antwoorde vind? [Wag vir ’n antwoord.] Let op wat die Bybel sê. [Lees Psalm 36:10.] Is dit nie redelik om die gevolgtrekking te maak dat die mens se Skepper die bevoegste is om te verduidelik waarom ons hier is nie? [Wag vir ’n antwoord.] Hierdie brosjure toon die grootse voorneme wat God vir ons in die vooruitsig stel.” Blaai na bladsye 20-1, lees die byskrif en lewer kommentaar oor die prent; bied dan die brosjure teen R1,00 aan. As die huisbewoner die brosjure neem, kan jy vra: “Hoe kan ons daarvan seker wees dat dit nog steeds God se voorneme is dat mense vir ewig in die Paradys op aarde moet lewe?” Reël ’n tyd om terug te kom.
7 As jy die brosjure “Wat is die doel van die lewe—Hoe kan jy dit vind?” gelaat het, kan jy die volgende sê wanneer jy teruggaan:
◼ “Op my vorige besoek het ek dit werklik geniet om met jou die Bybel se beskouing dat menselewe werklik ’n doel het te bespreek.” Wys die prent op bladsy 31 en vra: “Hoe kan ons daarvan seker wees dat dit nog steeds God se wil is dat mense vir ewig in die Paradys op aarde moet lewe?” Lees paragraaf 3 op bladsy 20. Bespreek die punte onder die onderhofie, “Steeds God se voorneme”, op bladsy 21. Blaai na die agterblad van die brosjure en lees dan die deel oor die aanbod van ’n gratis tuisbybelstudie. Wys die Kennis-boek en bied aan om te demonstreer hoe ons dit as ’n hulpmiddel gebruik om die Bybel te bestudeer.
8 Ons bediening behoort ons opregte belangstelling te weerspieël om opregtes van hart te help om ‘tot juiste kennis van die waarheid te kom’ (1 Tim. 2:4). Maak dus tyd in jou diensrooster om terug te gaan na elkeen by wie jy ’n brosjure gelaat het. As jy opregte besorgdheid teenoor hulle openbaar, kan dit daartoe lei dat jy diegene wat sug en steun oor die gruwels wat in valse godsdiens beoefen word, help om vir redding gemerk te word (Eseg. 9:4, 6). Jy sal ook die vreugde en bevrediging ondervind wat voortspruit uit die wete dat jy Jehovah navolg deur opreg vir ander om te gee.—Vergelyk Filippense 2:20.