Diensvergaderinge vir Augustus
Week wat begin met 5 Augustus
10 min: Plaaslike aankondigings. Gekose Aankondigings uit Ons Koninkryksbediening.
20 min: “Die goeie nuus moet sonder ophou bekend gemaak word.” Toespraak en gehoorbespreking. Sluit uittreksels in uit Insight on the Scriptures, Deel 2, bladsy 673, paragraaf 1.
15 min: “Verkondig die goeie nuus van die Koninkryk met brosjures” (Paragrawe 1-5). Gebruik eerste paragraaf in inleidende toespraak. Lewer positiewe kommentare oor die voordele daarvan om die Lewe op aarde-brosjure en “Kyk”-brosjure in die bediening te gebruik. Reël vier goed geoefende demonstrasies, wat toon hoe om die eerste besoek en herbesoeke met hierdie brosjures te doen. Laat ’n jong verkondiger, wat deur sy ouer gehelp word, die aanbiedings met die Lewe op aarde-brosjure demonstreer. Verkondigers kan hulle aanbiedings van ander brosjures doen volgens dié wat hier voorgestel word.
Lied 136 en slotgebed.
Week wat begin met 12 Augustus
15 min: Plaaslike aankondigings. Rekeningverslag. Sluit positiewe kommentare in oor “Maniere om te gee” in Die Wagtoring van 1 Desember 1993, bladsye 29-31.
15 min: “Verkondig die goeie nuus van die Koninkryk met brosjures” (Paragrawe 6-8). Gee ’n kort oorsig van die inhoud van die Regering-brosjure. Demonstreer die voorgestelde aanbiedings vir die eerste besoek en herbesoek. Spoor almal aan om terug te gaan na diegene by wie hulle brosjures gelaat het.
15 min: “Bydraes tot die Genootskap se wêreldwye werk bevorder uitbreiding.” Entoesiastiese toespraak deur ouer man. Sluit ’n paar syfers in oor die vooruitgang van die Koninkrykswerk in party van die lande wat uitgebeeld word, soos uiteengesit in die Yearbook.
Lied 9 en slotgebed.
Week wat begin met 19 Augustus
10 min: Plaaslike aankondigings. Teokratiese nuus.
15 min: “Wie is bekwaam om te preek?” ’n Ouer man bespreek die artikel met twee of drie verkondigers. Beklemtoon dat ons die beste opleiding ontvang wat beskikbaar is en dat dit ons ten volle toerus as bedienaars van God. Ons het geen rede om te voel dat ons onbevoeg is om te preek nie.
20 min: “Hoe om dissipels te maak met die Kennis-boek.” Gehoorbespreking van paragrawe 17-26 van die byvoegsel tot Ons Koninkryksbediening vir Junie 1996. Reël voor die tyd om plaaslike ondervindinge in te sluit van diegene wat studies in die Kennis-boek hou. Hulle kan positiewe kommentare lewer oor hoe hulle wenke in die byvoegsel toegepas het en hoe hulle gehelp is om ’n progressiewer tuisbybelstudie te hou. Spoor almal aan om die byvoegsel te hou en dit self weer te hersien wanneer hulle ’n nuwe studie begin.
Lied 189 en slotgebed.
Week wat begin met 26 Augustus
15 min: Plaaslike aankondigings. Hersien “Nuwe program vir die spesiale byeenkomsdag”. Doen verslag oor die vordering in die ontoegekende gebied. Stel die gemeente in kennis van die reëlings vir September. Voer ’n onderhoud met een of twee verkondigers oor die sukses wat hulle gedurende die kampanje behaal het. Die sekretaris en boekstudiehouers moet seker maak dat alle velddiensrapporte vir die 1996-diensjaar wat uitstaande is, ingegee word. Herinner verkondigers daaraan om hulle velddiens vir Augustus stiptelik te rapporteer.
15 min: Toon belangstelling in jou kinders se skoolopleiding. Toespraak deur ouer man. Hersien inligting in die brosjure Jehovah se Getuies en opvoeding, bladsye 2-5, en toon waarom ons die nuttige opleiding waardeer wat op skool voorsien word. Bespreek hoe ’n mens taktvol aan onderwysers die rede kan verduidelik waarom ons eerder geestelike doelwitte as wêreldse strewes eerste stel. Ouers moet ’n eksemplaar van die Opvoeding-brosjure vir hulle kinders se onderwysers gee, as hulle dit nog nie gedoen het nie. Sluit punte in uit “Slot” op bladsy 31. Spoor ouers aan om wenke in die Ontwaak! van 8 September 1988, bladsy 11, toe te pas.
15 min: Hersien lektuuraanbod vir September. Ons sal die boek Lewe—Hoe het dit hier gekom? Deur evolusie of deur die skepping? gebruik. Verduidelik die veelsydigheid van hierdie publikasie. Hoofstukke 1-15 gee ’n breedvoerige bespreking van die geskil oor hoe lewe hier gekom het; hoofstuk 16 gee aandag aan ’n vraag wat oral verwarring veroorsaak: “Waarom sou God lyding toelaat?”; hoofstukke 17-18 bou geloof in die Bybel as God se betroubare, geïnspireerde Woord; hoofstukke 19-20 beklemtoon die goeie nuus van die Koninkryk aangaande lewe op aarde in die Paradys en verduidelik hoe om dit te verkry. Laat ’n bekwame verkondiger een van hierdie benaderings gebruik om ’n kort aanbieding van die Skepping-boek te demonstreer. As die gemeente nog eksemplare van Hoe om ’n gelukkige gesinslewe op te bou of Jy kan vir ewig in die Paradys op aarde lewe in voorraad het, kan dit aangebied word.
Lied 113 en slotgebed.