Sien die krag van die Bybel!

Hoe? Deur te kyk na die video The Bible—Its Power in Your Life. Dit is die derde deel in die reeks videokassette met die titel The Bible—A Book of Fact and Prophecy.

Wil jy ’n suksesvolle huwelik hê? Het jy hulp nodig om deur moeilike tye te kom? Hoe kan jongmense verantwoordelike volwassenes word? Soos hierdie video toon, kan die Bybel help. Hoor hoe mense vertel van die krag wat die Bybel ten goede in hulle lewe uitgeoefen het. Luister terwyl hulle verduidelik hoe die beginsels daarin hulle gehelp het om die probleme van die moderne lewe die hoof te bied.

Hierdie video is ’n waardevolle instrument om nuwe belangstellendes te help sien hoe voordelig dit is om God se Woord as ’n gids in hulle lewe te gebruik. Die Genootskap het The Bible—Its Power in Your Life in voorraad. Jy kan een deur die gemeentelike lektuurkneg bestel.