Hersiening vir die Teokratiese Bedieningskool
Die volgende vrae sal bespreek word by die Teokratiese Bedieningskool gedurende die week wat begin met 24 Februarie 2003. Die skoolopsiener sal ’n hersiening van 30 minute hou wat gebaseer is op materiaal wat gedek is in toewysings vir die weke vanaf 6 Januarie tot 24 Februarie 2003. [Let wel: Waar daar geen verwysings ná die vraag is nie, sal jy jou eie navorsing moet doen om die antwoorde te vind.—Sien Bedieningskool, bl. 36-7.]
SPRAAKHOEDANIGHEDE
1. Waar of Onwaar: Die sleutel tot akkurate voorlesing is om seker te maak dat wat gelees word, reg klink, al verskil dit ’n bietjie van wat geskryf staan. Verduidelik. [be-AF bl. 83]
2. Vul die oop spasies in: As ’n mens akkuraat wil voorlees, moet jy ․․․․․․․․, ․․․․․․․․, ․․․․․․․․ en dit hardop doen. [be-AF bl. 85]
3. Waarom is dit belangrik om duidelik te praat? (1 Kor. 14:8, 9). [be-AF bl. 86]
4. Wat is van die dinge wat spraak onduidelik kan maak, en wat kan ons doen om duideliker te praat? [be-AF bl. 87-8]
5. Wat is van die woorde wat gedurende die afgelope twee maande in die Teokratiese Bedieningskool gebruik is wat jy voel jy moet oefen om reg uit te spreek? [be-AF bl. 92]
TOESPRAAK NR. 1
6. Waar of Onwaar: Ons oë kan ons help om te luister. Verduidelik. [be-AF bl. 14]
7. Vul die oop spasies in: Die ․․․․․․․․, die ․․․․․․․․ en die ․․․․․․․․ is almal tydwysers wat God voorsien het. [si-AF bl. 279 par. 7]
8. Vul die oop spasies in: In die Bybel kan die woord “dag” verwys na ’n tydperk van ․․․․․․․․ uur, ․․․․․․․․ uur, ․․․․․․․․ jaar of ․․․․․․․․, en die konteks toon watter betekenis daaraan geheg moet word. [si-AF bl. 279 par. 8]
9. Hoe kan die voorbeelde van Hanna, Markus en Elia ons help om ontmoediging die hoof te bied? Hoe kan ons hierdie voorbeelde gebruik om ander te help? [w01-AF 2/1 bl. 20-3]
10. Hoe werp ’n begrip van eertydse atletiese spele lig op sekere Bybelverse? Hoe moet hierdie inligting ons lewe raak? [w01-AF 1/1 bl. 28-31]
WEEKLIKSE BYBELLEESGEDEELTE
11. Waar of Onwaar: Aangesien God se Koninkryk in 1914 in die hemel opgerig is, is dit nie meer gepas om te bid: “Laat u koninkryk kom” nie (Matt 6:10). Verduidelik. [be-AF bl. 279; w96-AF 6/1 bl. 31]
12. Waar of Onwaar: Jesus se woorde wat in Matteus 11:24 opgeteken is, beteken dat diegene wat Jehovah in Sodom en Gomorra met vuur vernietig het, ’n opstanding sal kry. Verduidelik.
13. Veelkeusevraag: Die getroue en verstandige slaaf waarvan Jesus in Matteus 24:45-47 gepraat het, is (a) die Bestuursliggaam van Jehovah se Getuies; (b) alle gesalfde Christene as ’n groep op aarde op enige gegewe tyd; (c) Jesus Christus self. Hierdie slaaf voorsien geestelike voedsel op die regte tyd aan die “huisknegte”, wat (a) gesalfdes as individue; (b) die ander skape; (c) alle lesers van Christelike publikasies voorstel. Die Heer het die slaaf in (a) 1914; (b) 33 G.J.; (c) 1919 oor al sy besittings aangestel.
14. Veelkeusevraag: Die sleepnet waarvan daar in Jesus se illustrasie in Matteus 13:47-50 gepraat word, het die gemeente van gesalfde Christene ingesluit sowel as (a) God se Messiaanse Koninkryk; (b) hulle metgeselle, die ander skape; (c) die Christendom.
15. Wat moet jy, volgens Jesus se woorde wat in Matteus 5:24 opgeteken is, doen as jy aanvoel dat jy ’n medeaanbidder te na gekom het? [g96-AF 2/8 bl. 26-7]