Diensvergaderingrooster
Week wat begin met 8 Maart
10 min: Plaaslike aankondigings. Gekose Aankondigings uit Ons Koninkryksbediening. Herinner almal daaraan om die nuwe brosjure “Sien die goeie land” na volgende week se Diensvergadering saam te bring. Gebruik die wenke op bladsy 4 en demonstreer hoe Die Wagtoring van 15 Maart en die Ontwaak! van 22 Maart aangebied kan word.
15 min: Gebruik traktate om gesprekke te begin. Gehoorbespreking. Wanneer ons vir ander getuig, is die grootste uitdaging dikwels om die gesprek te begin. Wanneer ons van deur tot deur, in sakegebied en in openbare plekke getuig, kan ons traktate gebruik om die ys te breek. Hersien kortliks twee of drie traktate wat dalk by mense in die plaaslike gebied byval sal vind. Watter inleidingskommentare kan gemaak word wanneer hierdie traktate aangebied word? Hoe kan die prente gebruik word? Watter vrae kan taktvol geopper word? Vestig die aandag op ’n paragraaf in elke traktaat wat met die huisbewoner bespreek kan word indien hy belangstelling toon. Demonstreer hoe ’n gesprek begin kan word deur ’n traktaat te gebruik. Laat die verkondiger kortliks een paragraaf in die traktaat bespreek en sluit dan af deur die Kennis-boek aan te bied.
20 min: “Julle moet Jehovah liefhê, al sy lojales.”a Vra die gehoor hoe hulle mense na die Gedenkmaalviering genooi het wanneer paragraaf 3 bespreek word.
Lied 131 en slotgebed.
Week wat begin met 15 Maart
10 min: Plaaslike aankondigings. Hersien die hoofpunte van “Gedenkmaalherinneringe”. Kondig aan wanneer die Wagtoring-studie gedurende die week van die Gedenkmaal gehou sal word.
15 min: Die jongste nuus oor die spesiale aktiwiteite gedurende die Gedenkmaalseisoen. Gehoorbespreking wat deur die diensopsiener behartig moet word. Meld spesiale reëlings wat getref is. Vertel ’n paar bemoedigende ondervindinge. Moedig diegene aan wat kan om gedurende April en Mei as hulppioniers te dien. Hersien kortliks ’n paar punte uit die byvoegsel tot Ons Koninkryksbediening vir Februarie.
20 min: Vind baat by “Sien die goeie land”. Die nuwe brosjure kan ons Bybellees en -studie betekenisvoller maak. Gebruik die indeks om die brosjure ten beste te benut. Lees Jesaja 63:1, wat sê dat Jehovah uit Bosra kom. Nooi almal om die inskrywing vir Bosra in die “Goeie land” se indeks te soek. Verduidelik wat “Bosra 11 G11” beteken deur die venster op bladsy 34 te gebruik, en vind Bosra en Edom op die kaart wat aangegee word. Gebruik die indeks en vind Jesus se roete van Jerusalem na Sigar (Joh. 4:3-5). Doen dieselfde om die ligging van die bad van Betsata te bepaal (Joh. 5:1-3). Kies nog een of twee voorbeelde uit die weeklikse Bybelleesgedeelte vir die Teokratiese Bedieningskool. Nooi die gehoor om kommentaar te lewer oor waar ons hierdie plekke in die brosjure kan vind en hoe ons daarby baat vind as ons die kaarte raadpleeg. Vestig die aandag kortliks op party van die kaarte in die brosjure en op die tydperke wat dit dek. Op die kaart op bladsye 18-19 kan die grootste getal Bybelplekke gevind word. Spoor almal aan om goed van “Sien die goeie land” gebruik te maak.
Lied 63 en slotgebed.
Week wat begin met 22 Maart
10 min: Plaaslike aankondigings. Rekeningverslag. Herinner almal daaraan om van 30 Maart–4 April die Bybellees vir die Gedenkmaal te volg, soos dit in Ondersoek die Skrif elke dag—2004 en op die Kalender vir 2004 uiteengesit word.
15 min: Plaaslike behoeftes.
20 min: “’n Ruiteraanval waarby jy betrokke is.”b Lees en bespreek teksverwysings na gelang van die tyd.
Lied 181 en slotgebed.
Week wat begin met 29 Maart
10 min: Plaaslike aankondigings. Teokratiese nuus. Herinner verkondigers daaraan om hulle velddiensrapporte vir Maart in te gee. Meld lektuuraanbod vir April. Gebruik die wenke op bladsy 4 en demonstreer hoe Die Wagtoring van 1 April en die Ontwaak! van 8 April aangebied kan word.
15 min: Maak goed gebruik van die jaarboek vir 2004. Toespraak en gehoorbespreking. Meld hoogtepunte uit “A Letter From the Governing Body”, uitstekende syfers uit die wêreldrapport en ’n paar geloofversterkende ondervindinge. Moedig almal aan om die hele boek gedurende die jaar deur te lees.
20 min: Die waarheid verenig gesinne. Toespraak en gehoorbespreking. Belangstellendes huiwer soms om Jehovah te dien weens teenstand van familielede. Reël dat sommige van die volgende ondervindinge vertel word: Die Wagtoring, 1 Januarie 2002, bladsye 14-15; Die Wagtoring, 1 Desember 2000, bladsy 8; Die Wagtoring, 1 September 1999, bladsy 32; Die Wagtoring, 1 Januarie 1999, bladsy 4, en die Ontwaak!, 22 Februarie 1998, bladsy 31. Beklemtoon dat die gesinslewe dikwels verbeter wanneer selfs net een lid van die gesin Bybelbeginsels toepas.
Lied 130 en slotgebed.
Week wat begin met 5 April
10 min: Plaaslike aankondigings.
20 min: Fisiese reinheid beveel ons aan. ’n Toespraak gebaseer op Die Wagtoring van 1 Junie 2002, bladsye 19-21. Sluit ’n demonstrasie in waar ’n ouer man ’n pionier wys hoe hy ’n Bybelstudent taktvol kan help om te sien hoe belangrik dit is dat hy sy huis en erf skoonhou, deur les 9, paragraaf 5, in die Vereis-brosjure te gebruik.
15 min: Vertel ondervindinge wat met die Gedenkmaalviering en die groter diensbedrywighede gedurende Maart verband hou.
Lied 25 en slotgebed.
[Voetnote]
a Die inleiding moet korter as ’n minuut wees, gevolg deur ’n vraag-en-antwoord-bespreking.
b Die inleiding moet korter as ’n minuut wees, gevolg deur ’n vraag-en-antwoord-bespreking.