Verwysings vir die Lewe en Bediening-vergaderingwerkboek

3-9 OKTOBER

Soek na geestelike skatte

(Spreuke 1:7) Die vrees van Jehovah is die begin van kennis. Net dwase verag wysheid en dissipline.

it-2-E 180

Kennis

Die bron van kennis. Jehovah is eintlik die vernaamste Bron van kennis. Lewe kom natuurlik van hom af, en lewe is noodsaaklik vir iemand om enige kennis te verkry (Ps 36:9; Han 17:25, 28). Wat meer is, God het alles geskep, en daarom is menslike kennis gebaseer op ’n studie van God se handewerk (Op 4:11; Ps 19:1, 2). God het ook sy geskrewe Woord geïnspireer, en daaruit kan mense leer wat Sy wil en voorneme is (2Ti 3:16, 17). Jehovah is dus die middelpunt van alle ware kennis. Iemand wat na hierdie kennis soek moet ’n vrees vir God hê wat hom versigtig laat optree sodat hy Jehovah nie teleurstel nie. Sulke vrees is die begin van kennis (Spr 1:7). Sulke vrees vir God maak dit vir iemand moontlik om akkurate kennis op te doen, terwyl diegene wat nie aan God dink nie, op grond van hulle eie waarnemings maklik tot die verkeerde gevolgtrekking kom.

31 OKTOBER 2016–6 NOVEMBER 2016

SKATTE UIT GOD SE WOORD | SPREUKE 22-26

“Lei ’n seun op volgens die weg vir hom”

(Spreuke 23:13, 14) Moenie dissipline terughou van die seun nie. As jy hom met die roede slaan, sal hy nie sterf nie. ¹⁴ Met die roede moet jy hom slaan, sodat jy sy siel van Sjeool kan verlos.

it-2-E 818 ¶4

Roede, Staf

Ouerlike gesag. Die woord “roede” word ook gebruik om die gesag voor te stel wat ouers oor hulle kinders het. Die boek Spreuke verwys ’n hele paar keer na hierdie gesag, en die woord dui hier op alle vorme van dissipline, wat die letterlike tugroede insluit. ’n Ouer het eintlik ’n verantwoordelikheid voor God om van hierdie roede gebruik te maak en sodoende die kind te lei. As ’n ouer dit nie doen nie, sal dit tot sy kind se ondergang en dood lei, en hy sal ook skande oor homself bring en nie God se goedkeuring hê nie (Spr 10:1; 15:20; 17:25; 19:13). “Dwaasheid sit vas in die hart van ’n seun; die roede van dissipline sal dit ver van hom af verwyder.” “Moenie dissipline terughou van die seun nie. As jy hom met die roede slaan, sal hy nie sterf nie. Met die roede moet jy hom slaan, sodat jy sy siel van Sjeool kan verlos”(Spr 22:15; 23:13, 14). “Wie [egter] sy roede terughou, haat sy seun, maar hy wat hom liefhet, gee ag op hom met dissipline.”—Spr 13:24; 19:18; 29:15; 1Sa 2:27-36.