Verwysings vir die Lewe en Bediening-vergaderingwerkboek

6-12 FEBRUARIE

Soek na geestelike skatte

(Jesaja 50:1) Só het Jehovah gesê: “Waar is die skeibrief dan van julle moeder, wat ek weggestuur het? Of aan wie van my skuldeisers het ek julle verkoop? Kyk! Weens julle ongeregtighede is julle verkoop, en weens julle oortredings is julle moeder weggestuur.

it-1-E 643 ¶4-5

Egskeiding

Figuurlike egskeiding. Die huweliksband word in die Skrif ook simbolies gebruik (Jes 54:1, 5, 6; 62:1-6). Daar word ook verwys na simboliese egskeiding, of die wegstuur van ’n vrou.—Jer 3:8.

In 607 VHJ is die koninkryk van Juda omvergewerp en Jerusalem vernietig, en die bewoners van die land is in ballingskap na Babilon weggevoer. Jare tevore het Jehovah die volgende profetiese woorde gerig tot die Jode wat hulle dan in ballingskap sou bevind: “Waar is die skeibrief dan van julle moeder, wat ek weggestuur het?” (Jes 50:⁠1). Hulle “moeder”, of nasionale organisasie, is tereg weggestuur, nie omdat Jehovah sy verbond verbreek het en ’n skeibrief aan hulle “moeder” gegee het nie, maar weens haar sonde teen die Wetsverbond. Maar ’n aantal Israeliete was berouvol en het gebid dat Jehovah hulle huweliksband herstel deur hulle na hulle tuisland terug te bring. In 537 VHJ, aan die einde van die verwoesting van sewentig jaar, het Jehovah, net soos hy voorspel het, sy volk ter wille van sy eie naam na hulle tuisland laat terugkeer.—Ps. 137:1-9.