Verwysings vir die Lewe en Bediening-vergaderingwerkboek
20-26 MAART
SKATTE UIT GOD SE WOORD | JEREMIA 8-11
“Mense kan net met Jehovah se leiding sukses behaal”
(Jeremia 10:2-5) Só het Jehovah gesê: “Moenie die weg van die nasies leer nie, en moenie deur die tekens van die hemel met verskrikking vervul word omdat die nasies daardeur met verskrikking vervul word nie. 3 Want die gebruike van die volke is net ’n asemstoot, want dit is niks anders nie as ’n boom uit die woud wat afgekap is, die handewerk van die vakman met die snywerktuig. 4 Met silwer en goud maak hulle dit mooi. Met spykers en hamers slaan hulle dit vas, sodat nie een waggel nie. 5 Hulle is soos ’n voëlverskrikker in ’n komkommerland en kan nie praat nie. Hulle word vir seker gedra, want hulle kan geen tree gee nie. Moenie vir hulle bang wees nie, want hulle kan niks rampspoedigs doen nie en, wat meer is, hulle kan niks goeds doen nie.”
(Jeremia 10:14, 15) Elke mens het hom so redeloos gedra dat hy niks weet nie. Elke metaalwerker sal hom beslis skaam vir die gesnede beeld; want sy gegote beeld is ’n leuen, en daar is geen gees in hulle nie. 15 Hulle is nietigheid, ’n bespotlike maaksel. In die tyd dat daar aandag aan hulle geskenk word, sal hulle vergaan.
it-1-E 555
Komkommer
Pilare, pale of ander voorwerpe is in landerye geplaas om diere af te skrik. Jeremia het die afgode wat deur die nasies gemaak is, vergelyk met ’n stom, lewelose “voëlverskrikker in ’n komkommerland”.—Jer 10:5.
27 MAART 2016–2 APRIL 2016
SKATTE UIT GOD SE WOORD | JEREMIA 12-16
“Israel het Jehovah vergeet”
(Jeremia 13:8-11) Toe het die woord van Jehovah tot my gekom en gesê: 9 “Só het Jehovah gesê: ‘Net so sal ek die trots van Juda en die oorvloedige trots van Jerusalem verderf. 10 Hierdie slegte volk wat weier om my woorde te gehoorsaam, wat in die wederstrewigheid van hulle hart wandel en wat voortdurend agter ander gode aan loop om hulle te dien en om hulle voor hulle neer te buig, sal ook net soos hierdie gordel word wat vir niks geskik is nie.’ 11 ‘Want soos ’n gordel aan die heupe van ’n man kleef, so het ek die hele huis van Israel en die hele huis van Juda aan my laat kleef’, is die woord van Jehovah, ‘om vir my ’n volk en ’n naam en ’n lof en iets pragtigs te word; maar hulle was nie gehoorsaam nie.’
it-1-E 1121 ¶2
Heupe
Jehovah het gesê dat Israel en Juda soos ’n gordel of lyfband om sy heupe was. Hy het hulle styf om hom vasgebind sodat hulle hom kon eer en iets pragtigs kon wees (Jer 13:11). Jesus Christus word profeties beskryf as ’n koning wat heers met regverdigheid as ’n gordel om sy heupe en met getrouheid as ’n gordel om sy lendene. Dit verwys moontlik daarna dat hy sy krag altyd op ’n regverdige en getroue manier sal gebruik. Soos ’n lyfband ondersteuning bied, versterk Jesus se regverdigheid hom wanneer hy as Jehovah se aangestelde Regter optree.—Jes 11:1, 5.