Hulle het my pa se hart laat oopgaan

“My ouers is Italiaanse Katolieke, en hulle sou nooit die Wagtoring of die Ontwaak! neem om te lees nie”, het ’n vrou uit Westerly, Rhode Island, VSA, geskryf. Maar nou, sê sy, het Die Wagtoring haar pa se hart laat oopgaan. Sy verduidelik hoe dit gebeur het:

“Ek het een dag my pa se vragmotor geleen waarin ’n bandspeler is wat hy nooit gebruik het nie. Ek het dus die geleentheid goed benut. Ek het ’n kasset van die Wagtoring daarin gesit. Toe ek die vragmotor aan hom terugbesorg het, het ek nie die kasset uitgehaal nie. Intussen het my pa die vragmotor gebruik en na die kasset begin luister.

“My pa is baie komieklik—hy het gedink dat dit die Getuies is wat hy oor die radio hoor, en hy het elke keer die stasie verander, maar elke keer het hy weer die Getuies gehoor. Uiteindelik, ná twee dae, het hy besef dat dit ’n kasset was en nie die radio nie. Maar teen dié tyd het hy gehou van wat hy gehoor het.

“Dit was duidelik dat my pa dinge geleer het toe hy en my ma vir my begin vertel het van die dinge waarna hy geluister het. Elke tweede dag wanneer ek gaan velddiens doen het, het ek die kasset in sy vragmotor verander. En elke oggend aan die ontbyttafel het hy vir my vrae gevra soos: ‘Is jou man ’n ouere man?’ of ‘Die Bybel leer nie dat daar iets soos ’n vaevuur of ’n helse vuur is nie, nie waar nie?’ Hy is dus geleidelik besig om die Bybel te leer verstaan.”