’n Belangrike week
DIE wêreld was geskok toe coup-leiers Maandag, 19 Augustus 1991, die bewind in die Sowjetunie oorgeneem het en president Mikhail Gorbatsjof in die Krim onder huisarres geplaas het. Nie ver daarvandaan nie, in die pragtige Odessa, is daar finale voorbereidings vir die naweek se byeenkoms van Jehovah se Getuies in daardie stad getref. Ongelukkig is die byeenkoms in Odessa deur plaaslike amptenare gekanselleer.
Maar die Getuies het nie moed opgegee nie. Hulle het voortgegaan met hulle voorbereidings vir die byeenkoms en het by ’n munisipale amptenaar gepleit om sy bes te doen om die kansellasie nietig te laat verklaar. Verteenwoordigers van Jehovah se Getuies is aangesê om Donderdag, 22 Augustus, terug te kom. Die Getuies het daardie middag, ná ’n vergadering van die stadsraad, geskrewe toestemming gekry om die byeenkoms te hou en is alle voorspoed toegewens. In Moskou is die coup-leiers daardie selfde dag tot oorgawe gedwing!
Hoe vinnig het dit alles tog gebeur! En hoe wonderlik was dit tog om te sien hoe meer as 12 000 daardie naweek byeengekom het! Op 27 Augustus, twee dae ná die byeenkoms in Odessa, het verteenwoordigers van Jehovah se Getuies mnr. V. K. Simonenko, voorsitter van Odessa se Uitvoerende Komitee, besoek, hom bedank dat hulle toegelaat is om die byeenkoms te hou en hom ’n eksemplaar van die nuwe boek Die grootste mens wat nog geleef het in Russies gegee.
Mnr. Simonenko het waardering vir die geskenk uitgespreek en gesê: “Ek was nie by die byeenkoms nie, maar ek weet wat alles daar plaasgevind het. Sedert Odessa se ontstaan het ek nog nooit iets beters as dit gesien nie . . . Ek belowe julle wanneer julle ooit weer toestemming nodig het om julle vergaderinge te hou ek altyd gewillig sal wees om dit te gee.”
[Tabel op bladsy 31]
BYEENKOMSTE IN DIE SOWJETUNIE IN 1991
Datum Stad Opkoms- Gedoop
hoogtepunt
13, 14 Julie Tallinn, Estland 4 808 447
20, 21 Julie Oesolje-Sibirskoje, 4 205 543
Siberië
2, 3 Augustus Kiëf, Oekraïne 14 654 1 843
3, 4 Augustus Lvov, Oekraïne 17 531 1 316
24, 25 Augustus Odessa, Oekraïne 12 115 1 943
31 Augustus- Tsjernowtsi, Oekraïne 14 137 1 126
1 September
7, 8 September Alma-Ata, Kazachstan 6 802 602
74 252 7 820