Van ons lesers
Soldaat wat ’n Christen geword het My oë was vol trane toe ek die artikel “Opgelei om dood te maak, maar nou bied ek die lewe aan” (8 September 1994) gelees het. ’n Palestyn wat ’n Jood “broer” noem—sulke eenheid kan slegs in Jehovah se organisasie aangetref word!
K. T. O., Maleisië
Jou tjap Dankie vir die interessante artikel “Jou tjap—jou handtekening” (22 Mei 1994). Ek en my man hou ’n Bybelstudie met ’n Boeddhistemonnik van Taiwan. Hy het ’n opmerking gemaak oor hoe akkuraat die artikel was! Hy het toe vir sy moeder in Taiwan geskryf en sy het vir ons ’n tjap gestuur met ons naam daarop gegraveer. Ons was in die wolke!
K. J., Verenigde State
Verveeldheid Ek het so pas die reeks “Is jou lewe vervelig? Jy kan dit verander!” (22 Januarie 1995) gelees, en ek moet net vir julle sê hoeveel dit my gehelp het. Ek het nog nooit gedink dat ek verveeld is nie, maar ek was baie ontevrede met my lewe omdat ek ’n eentonige roetine het. Die artikel het my dinge in ’n heel ander lig laat sien.
S. V., Verenigde State
Kanariese Eilande Nadat ek die artikel “Die Kanariese Eilande—aangename klimaat, aanloklike natuurskoon” van 22 November 1994 gelees het, wil ek my dank daarvoor en vir soortgelyke artikels in die Ontwaak! uitspreek. Dit maak ons meer bewus van ons pragtige aarde en van Jehovah se verskillende skeppingswerke en vergroot ons waardering daarvoor. Dankie dat julle ons op hierdie opwindende “reise” neem.
D. G., Verenigde State
Sendelinge Ek het julle uitstekende reeks “Sendelinge—Agente van die lig of van die duisternis?” baie waardeer, veral deel ses: “Hoe daar vandag ware dissipels gemaak word” (22 Desember 1994). Ons gemeente het baie daarby baat gevind om saam met ’n sendelingegpaar met Gileadopleiding te werk. Hulle wyse raad en ywer het my beweeg om die voltydse bediening my loopbaan te maak.
J. K., Botswana
Verset teen Nazisme Ek is ontroer deur die artikel “Ons het nie Hitler se oorlog gesteun nie” (22 Oktober 1994). Dit het ’n foto bevat van die “Plegtige verklaring” van ses Oostenrykse biskoppe om Nazisme te ondersteun. Een van daardie biskoppe het my in 1928 “aangeneem”, toe ek ’n Jesuïetestudent was. So ’n aanneming deur iemand wat self nie geweet het hoe om standvastig in die Christelike geloof te wees nie, laat my lag! Daardie oorlog het my verbintenis met die Katolieke Kerk beëindig. Ek het ook my vaderland verlaat. Hoewel ek my op my eie manier teen die oorlog probeer verset het, het ek nie die karaktervastheid van die Wohlfahrt-gesin gehad nie. Ek onthou nog twee van Jehovah se Getuies wat geweier het om wapens op te neem. Hulle is onmiddellik doodgemaak. Ek bewonder sulke mense.
P. K., Chili
Jongmense vra Dankie vir die artikel “Jongmense vra . . . Hoe kan ek my klerekas verbeter?” (22 Januarie 1995). Dit het gemaak dat ek opstaan en my oorvol kas organiseer. Ek het elke dag gesukkel om iets te kry om aan te trek, al het ek hope klere. Maar danksy julle handige wenke is dit nou baie makliker.
T. B., Hawaii
Dankie vir die uitstekende gedagtes in die artikels “Giere—Waarom is hulle so gewild?” en “Giere—Moet ek met die stroom saamgaan?” (22 November en 8 Desember 1994). As ’n Christen- ouer man erken ek dat dit nie altyd maklik is om nie my standaarde aan ander op te dwing nie. Maar julle uitdrukkings soos “dat ons die gevoelens en gesindhede van ander in ag moet neem” en “dat ons kleredrag en gedrag moet vermy wat ander moontlik as verregaande beskou”, bereik wel harte.
D. Č., Kroasië