Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • g96 10/8 bl. 30
  • Van Ons Lesers

Video nie beskikbaar nie.

Jammer, die video kon nie laai nie.

  • Van Ons Lesers
  • Ontwaak!—1996
  • Soortgelyke materiaal
  • Van ons lesers
    Ontwaak!—1996
  • Die vriendelike rooiborsie
    Ontwaak!—1996
  • Van ons lesers
    Ontwaak!—1996
  • Van ons lesers
    Ontwaak!—1996
Sien nog
Ontwaak!—1996
g96 10/8 bl. 30

Van Ons Lesers

Ryk nasies buit die armes uit Ek is 14 jaar oud, en ek is baie dankbaar vir die reeks “Sal ryk nasies altyd die armes uitbuit?” (22 November 1995). My aardrykskundeonderwyser het ons die taak gegee om oor die onderwerp “Ellende” te skryf. Ek het in koerante en tydskrifte gesoek, maar het niks gepas gevind om te gebruik nie. Toe, op die regte tyd, het hierdie tydskrif gekom en kon ek my opstel daarop baseer. Ek het die hoogste punte in die klas gekry, en ek is baie dankbaar vir hierdie artikels.

A. O., Brasilië

Kompulsiewe gedrag Dankie vir die opbouende artikel “Kompulsiewe gedrag—Beheer dit jou lewe?” (8 Februarie 1996). Ek sukkel met kompulsiewe gedrag, en dit is baie bemoedigend om te weet dat ek nie die enigste is nie. Dit pla my al van my kinderdae af geweldig. Vandat ek die Bybel bestudeer het, het ek behep geraak met die gedagte dat ek teen die heilige gees gesondig het. Geleidelik het ek my probleme onder beheer gekry. Hoe goed is dit tog om te weet dat Jehovah sy onvolmaakte knegte verstaan!

A. B., Duitsland

Ek waardeer dit werklik dat ons Skepper hierdie siekte verstaan en dat hy ‘groter is as ons hart en alles weet’ (1 Johannes 3:20). Hou asseblief aan om hierdie soort artikels te druk; dit is ’n groot aanmoediging vir ons.

W. E., Switserland

Julle kan julle nie voorstel in watter mate hierdie artikel my bemoedig het nie. Ek het verskriklike, lasterlike gedagtes gehad wat tot neerslagtigheid en soms tot selfmoordgedagtes gelei het. Maar nou is dit asof ’n ontsaglike las van my skouers af is, aangesien ek besef dat Jehovah my nie verwerp het nie, maar my innig liefhet.

I. B., Frankryk

Van kleins af was ek my hande oor en oor. Ek sal drie maal gaan kyk of die stoof af is, al moet ek van buite af terugkom om dit te doen. Ek maak seker dat die deksels op die potte is en dat ek al die deure behoorlik toegemaak het. Weens my kompulsiewe gedrag gaan ek uitgeput bed toe. Dankie vir julle artikel.

M. P., Venezuela

Rooiborsies Ek was gefassineer deur die artikel “Die vriendelike rooiborsie” (8 Februarie 1996). Terwyl ek ’n paar jaar gelede besig was om ’n sloot in die tuin te grawe, het ek die pragtige lied van ’n rooiborsie gehoor wat op die grasperk daar naby my gesit en my dopgehou het. Ek het sy stem nog probeer naboots toe hy ewe skielik langs my in die sloot staan. Die rooiborsie het dit geniet om die insekte op te pik wat uit elke graafvol grond te voorskyn gekom het. Hou asseblief aan om artikels oor die dierewêreld te publiseer!

F. S., Duitsland

Ysberge Dankie vir die artikel “Kristalpaleise van die see” (8 Desember 1995). Net deur daardie materiaal te lees en my voor te stel hoe dit sou wees om voor een van daardie reuse-ysblokke te staan, is ek beïndruk deur die wonderlike dinge wat ons Skepper, Jehovah God, tot ons genot voorsien het. Soos die psalmis van Jehovah gesê het in Psalm 104:24: “Die aarde is vol van wat U gemaak het.”—NAV.

A. I. B., Brasilië

Skoolopstel Die verhaal van Eric se skoolopstel “As ek ’n oomblik in die geskiedenis kon verander” (22 Februarie 1996) het my werklik beïndruk. Dit het by my bewondering en waardering vir sy ouers ingeboesem. Hulle moes baie tyd en energie daaraan gewy het om ’n seun groot te maak wat sulke merkwaardige moed en liefde vir Jehovah het, al is hy nog so jonk.

C. N., Italië

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel