Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • g98 8/22 bl. 30
  • Van ons lesers

Video nie beskikbaar nie.

Jammer, die video kon nie laai nie.

  • Van ons lesers
  • Ontwaak!—1998
  • Soortgelyke materiaal
  • Is raves onskadelike pret?
    Ontwaak!—1997
  • Van ons lesers
    Ontwaak!—2005
  • Van ons lesers
    Ontwaak!—1998
  • Van ons lesers
    Ontwaak!—1998
Sien nog
Ontwaak!—1998
g98 8/22 bl. 30

Van ons lesers

Egskeiding Ek skryf om my diepe waardering uit te spreek vir die reeks “Toesig oor kinders—Wat is die gebalanseerde beskouing?” (8 Desember 1997). Ná my egskeiding was dit moeilik om te besluit hoe gereeld my gewese man ons dogter kon besoek. My nuwe man het gevoel dat dit so min moontlik moes wees. Maar die Ontwaak! het hierdie saak opgeklaar deur die kind se welsyn eerste te stel en nie die emosies van die ouers of stiefouers nie.

L. C., Wallis

My dogter, my enigste kind, is van my af weggeneem toe die hof besluit het dat sy by haar pa moet woon. Dit het dus gelyk of die artikel vir my geskryf is. Dit is ’n seën om te weet dat Jehovah ons “voedsel op die regte tyd” gee.—Matteus 24:45.

D. B., Switserland

Ek het Jehovah in trane bedank toe ek die voorblad van die Ontwaak! sien, aangesien ek al twee jaar lank by ’n hofsaak in verband met toesig oor kinders betrokke is. Dit was ’n uiters emosionele ondervinding. Ek het waarlik die leersame, weldeurdagte manier waardeer waarop hierdie onderwerp bespreek is.

A. F., Verenigde State

Toe ek maar net ’n kind was, het my ouers geskei. Dit het vir my gevoel of ek in twee geskeur was. Julle kan julle dus voorstel hoeveel ek die artikels oor hierdie onderwerp verwelkom het. Baie dankie dat julle hierdie probleem uit die oogpunt van kinders bespreek het.

K. D., Joego-Slawië

Alpynse parke Ek wil julle graag hartlik bedank vir die artikel “Die skoonheid van die Alpynse Nasionale Parke” (22 November 1997). Om die waarheid te sê, ek het net by vorige artikels oor die natuur verbygeblaai. Maar ek het die pragtige foto’s by die artikel gesien en besluit om dit te lees. Toe ek klaar gelees het, het ek besef dat daar talle ander interessante artikels oor die natuur was wat ek nooit gelees het nie.

T. M., die Oekraïne

Homoseksualiteit Ek was verheug toe ek my Ontwaak! van 8 Desember 1997 ontvang het met die artikel “Die Bybelse beskouing: Moet Christene homoseksuele haat?” Dit was ’n baie goeie artikel wat hierdie uiters sensitiewe onderwerp op ’n gebalanseerde manier bespreek het.

L. W., Verenigde State

Verveeldheid Ek het die artikel “Verveel jou werk jou?” (22 Desember 1997) vir my opsiener gegee. Sy het die volgende oggend by die werk vir my gesê dat die artikel uitstekend is. Sy het dit vir party van my medewerkers gegee en die artikel in ons teekamer gelaat. Die artikel het net op die regte tyd gekom!

V. L., Verenigde State

Dankie vir die interessante inligting. Ek is 17 jaar oud en werk voltyds. Die artikel het uitstekende raad gegee oor hoe ek my werk aangenamer kan maak. Dankie!

E. A., Italië

Baie, baie dankie vir die artikel. Ek is op die oomblik in die tweede jaar van ’n vakleerlingskap en was neerslagtig omdat ek nie meer my werk geniet nie. Die artikel het my gehelp om weer gelukkig te wees in my werk.

I. F., Duitsland

Raves Ek is 19 jaar oud en het dit werklik geniet om na techno-musiek te luister. Maar ek het die artikel “Jongmense vra . . . Is raves onskadelike pret?” (22 Desember 1997) baie waardeer. Dit is die eerste artikel wat ek tot dusver gesien het wat hierdie soort musiek akkuraat beskryf. Ek is veral dankbaar oor die gedeelte “Is raves regtig vir jou?” Deur middel van vrae en tekste is ek gehelp om tot ’n eenvoudige en logiese gevolgtrekking te kom.

A. P., Slowenië

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel