Miljoene gaan dit bywoon—Gaan jý?
WÊRELDWYD woon ver oor die agtmiljoen mense jaarliks die streekbyeenkomste van Jehovah se Getuies by. Hierdie somer sal 31 driedaagse “God se profetiese woord”-streekbyeenkomste in suidelike Afrika gehou word. Een sal waarskynlik naby jou gehou word. Ons moedig jou aan om daar te wees wanneer die program Vrydag om 9:30 vm. met musiek begin.
Die oggendprogram sal ’n verwelkomingstoespraak insluit sowel as die programrede “Gee ag op God se profetiese woord”. In die middag sal die simposium “Skep behae daarin om God se Woord te lees” praktiese wenke gee oor hoe om Bybellees leersaam en genotvol te maak. Die slottoespraak van die dag “Dié wat teen God stry, sal nie seëvier nie” sal die stryd hersien wat daar in hedendaagse tye teen verkondigers van God se Koninkryk gevoer is.
Die program Saterdagoggend bevat ’n bespreking van doop, en daar sal ’n geleentheid wees vir diegene wat kwalifiseer om gedoop te word. In die middag sal aanmoedigende verslae gegee word oor die wonderlike reaksie van mense op Bybelwaarheid in sekere lande in Latyns-Amerika, Afrika en Oos-Europa, asook in die groot Asiatiese land Kazakstan. Die deel se titel is “‘Begeerlike dinge’ vul Jehovah se huis”. Die Saterdagprogram sal afsluit met twee toesprake “Bybelprofesieë hou ons waaksaam” en “Die profetiese woord in die tyd van die einde”. Laasgenoemde sal die aandag vestig op die Bybelboek Daniël en redes voorsien waarom ons op die profesieë daarvan moet ag slaan.
Sondagoggend sal ’n driedelige, uur lange simposium met die titel “Profetiese woorde vir die vasgestelde tyd” die profesie van Habakuk bespreek. Jy sal sien hoe aanmoedigend hierdie kort Bybelboek vir hedendaagse Christene kan wees. Daarna sal ’n gekostumeerde drama oor die Bybelverslag van Jakob en Esau die tema “Toon waardering vir ons geestelike erfenis” beklemtoon. Die program Sondagoggend sal afsluit met die besielende toespraak “Wat beteken ons kosbare erfenis vir jou?” Daarna, in die middag, sal jy die openbare toespraak “Alles word nuut gemaak—Soos voorspel is” geniet.
Beplan nou om dit by te woon. Vind uit by die plaaslike Koninkryksaal van Jehovah se Getuies of skryf aan die uitgewers van hierdie tydskrif as jy wil weet waar die byeenkoms naaste aan jou gehou gaan word.