Viëtnam se onontdekte diere

“DIE opwindendste tydperk van die eeu wat die ontdekking van diere betref”, het Douglas Richardson, kurator van soogdiere by die Londen-dieretuin, opgewonde gesê. Hy het verwys na die ontdekking van sekere groot diere in afgeleë oerwoude in Viëtnam gedurende die afgelope tien jaar.

Wrede oorlogvoering het hierdie oerwoude dekades lank vir wetenskaplikes ontoeganklik gemaak. Maar nou gebruik dierkundiges wat daar werk, outomatiese kameras om diere af te neem. Een daarvan is die Viëtnamese renoster, ’n subspesie van die Javaanse renoster en een van die wêreld se mees bedreigde spesies.

Nog een van wat Viëtnam se onontdekte diere genoem kan word, is ’n wildsbokagtige os wat ook as die Vu Quang-os bekend staan. Hierdie dier, wat in 1992 in die Vu Quang-natuurreservaat ontdek is, weeg ongeveer 100 kilogram en het ’n skouerhoogte van ’n meter. Hy is moontlik verwant aan die os, wildsbok of bok. In dieselfde reservaat is daar ook drie takbokke ontdek—die reusemuntjak in 1993, die Truong Son-muntjak in 1997 en die blaarmuntjak in 1998.

In 1996 het wetenskaplikes op die Tainguen-plato in Viëtnam ’n klein, nagtelike karnivoor, die Tainguen-sivetkat, ontdek. Hy weeg tussen 3 en 7,5 kilogram en woon in klam tropiese woude.

Richardson het verduidelik dat klein diere gedurigdeur gevind word—moontlik tot 20 verskillende paddas in die loop van ’n jaar—maar die bestaan van hierdie groot diere was heeltemal onverwags, berig die koerant The Independent van Londen.

[Prente op bladsy 31]

Tainguen-sivetkat

Vu Quang-os

Truong Son-muntjak

Viëtnamese renoster

[Erkennings]

Woud: © Wildside Photography

Viëtnamese renoster: AP Photo/World Wildlife Fund, Mike Baltzer; ander drie diere: Courtesy EC-SFNC/Acknowledging the European Commission’s support of the photo-trapping program