Sy het goed gebruik gemaak van die Ontwaak!

TOE Vanessa, een van Jehovah se Getuies in die Verenigde State, 16 jaar oud was, moes sy ’n verslag oor anoreksie skryf as deel van ’n skooltaak. “Ek het navorsing gedoen”, sê sy, “maar kon nie veel inligting kry nie. Ek het met my ouers daaroor gepraat, en hulle het voorgestel dat ek kyk wat ons publikasies oor die onderwerp sê.”

Vanessa het navorsing in die publikasies van Jehovah se Getuies gedoen en ’n skat van inligting vir haar verslag gevind. “Maar dit was net ’n deel van die taak”, sê sy. “Ek moes ook ’n praatjie voor die onderwyseres en 20 leerlinge hou!” Hoe het Vanessa dit gedoen?

Soos Jehovah se Getuies regoor die wêreld, ontvang Vanessa opleiding in die openbare spreekkuns in die Teokratiese Bedieningskool, wat by die plaaslike Koninkryksaal gehou word. “Hierdie skool berei ons goed voor om in die bediening uit te gaan en met ander te praat”, sê Vanessa. “Ons ontvang ook raad oor punte waaraan ons moet werk sodat mense ons beter sal verstaan.” Wat was die resultaat van Vanessa se harde werk aan haar skooltaak? “Ek het die hoogste punte gekry”, sê sy.

Vanessa is een van baie jongmense wat goed gebruik maak van Bybelpublikasies en ander geestelike opleiding. Sulke jongmense moet geprys word, want hulle volg die raad in Prediker 12:1: “Dink dan nou aan jou Grootse Skepper in die dae van jou jonkheid.”