Beskrywing van ’n godsdiensgemeenskap
Philip, ’n 15-jarige hoërskoolleerling, moes vir sy Aardrykskundeklas navorsing doen en ’n verslag skryf oor een van die sport-, politieke, kulturele of godsdiensgemeenskappe in Sydney, Australië, sy tuisstad. Philip het besluit om ’n verslag te skryf oor die plaaslike gemeente van Jehovah se Getuies, waarvan hy en sy gesin lede is. Die leerlinge moes praat met 20 lede van die gemeenskap wat hulle gekies het, om onder andere ’n beskrywing van “die kenmerke van die gemeenskap” te gee.
Nadat Philip die resultate van sy opname saamgestel het, het hy geskryf: “[Die plaaslike] gemeente van Jehovah se Getuies is ’n godsdiensorganisasie wat hoofsaaklik bymekaarkom om die Bybel te bestudeer. Tydens hierdie vergaderinge word dele uit die Bybel gelees en dan verduidelik. Nog ’n oogmerk van die vergaderinge is om ons op te lei om ander op die beste moontlike manier van die Bybel te leer. Dit word gedoen wanneer ons van deur tot deur gaan om mense by hulle huise te besoek, waar hulle meer op hulle gemak is. Alle lede van die gemeenskap neem gereeld volgens hulle omstandighede in meerdere of mindere mate aan hierdie werk deel. Behalwe dat die gemeenskap self die Bybel bestudeer en dit aan ander leer, versprei hulle ook die leersame, aktuele tydskrifte Die Wagtoring en Ontwaak!, wat talle interessante artikels oor die natuur, die geskiedenis asook internasionale en plaaslike kwessies bevat. Ons probeer ook bedroefde mense ondersteun nadat verskriklike gruweldade gepleeg is, soos op 11 September, en ons gee nuttige publikasies uit oor onderwerpe soos die huwelik, gesinslewe en jongmense.”
Danksy die gehalte van Philip se navorsing en die manier waarop dit aangebied is, is hy die hoogste moontlike punt vir sy verslag gegee. As jy graag meer wil uitvind oor die werk wat Jehovah se Getuies doen, kan jy gerus met hulle praat wanneer hulle jou weer besoek of met hulle in verbinding tree deur na die gepaste adres op bladsy 5 te skryf.
[Prent op bladsy 16]
Philip
[Prent op bladsy 16]
Italië
[Prent op bladsy 16]
Austraslië
[Prent op bladsy 16]
Brasilië
[Prent op bladsy 16]
Nederland