Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • g05 7/8 bl. 30
  • Van ons lesers

Video nie beskikbaar nie.

Jammer, die video kon nie laai nie.

  • Van ons lesers
  • Ontwaak!—2005
  • Soortgelyke materiaal
  • Wat is vitiligo?
    Ontwaak!—2004
  • Van ons lesers
    Ontwaak!—2005
  • Van ons lesers
    Ontwaak!—2005
  • Inhoudsopgawe
    Ontwaak!—2004
Sien nog
Ontwaak!—2005
g05 7/8 bl. 30

Van ons lesers

Onvrugbaarheid Alhoewel ek nie mediese opleiding het nie, het ek die reeks “Onvrugbaarheid—die behandeling, die vrae” (22 September 2004) met groot belangstelling gelees. Dit is goed om te sien dat Jehovah groot waarde aan menselewe heg. Die objektiewe bespreking van die geskille wat hierby betrokke is, help ’n mens om selfs groter vertroue in hom te hê. Baie mense in ons gemeente se gebied het hierdie tydskrif met graagte geneem.

V. P., Rusland

Ek en my man probeer al van kort ná ons troue af om kinders te hê. Nou, jare later, het ons te staan gekom voor die geskille wat in hierdie reeks beskryf word. Dit is werklik verkwikkend om te weet dat Jehovah voedsel op die regte tyd voorsien. Dit was—en is—baie hartseer as daar vir jou gesê word dat jy nie ’n kind kan hê nie. Maar deur navorsing en deur middel van hierdie artikel is ek gehelp om vertroosting te put uit die wete dat ons nie alleen is nie. Dit is vir ons ’n ware seën dat ons ons tyd daaraan kan wy om Jehovah volkome te dien.

T. O., Verenigde State

Vitiligo Baie dankie vir die artikel “Wat is vitiligo?” (22 September 2004). Ek het hierdie siekte al vyf jaar lank. Maar sedert julle hierdie artikel gepubliseer het, kan ek makliker daarmee saamleef. Ek is bly om aan ’n Christengemeenskap te behoort wat soveel vir elkeen van ons omgee!

C. H., Duitsland

Om aan vitilogo te ly, plaas verstandelike en emosionele druk op ’n mens, om die minste te sê. Jehovah leer ons om groter begrip vir mekaar te hê. Ek sien uit na die tyd wanneer ek weer my natuurlike velkleur sal hê.

B. W., Verenigde State

Ek ly al die afgelope 25 jaar aan vitiligo. Net die wete dat ander dieselfde emosionele angs as ek ondervind, is ’n groot troos. Baie mense het die verkeerde indruk van hierdie siekte, maar met behulp van hierdie artikel kan hulle ’n juiste begrip daarvan verkry. Baie dankie dat julle oor hierdie onderwerp geskryf het!

K. S., Japan

Ek word al byna 30 jaar deur hierdie probleem geraak. As kind het my portuurs my gespot weens my voorkoms. Ek het geleer om met die siekte saam te leef. Soos Sibongile het ek besluit om ander te bemoedig met die Bybel se belofte dat Jehovah binnekort alle gesondheidsprobleme uit die weg sal ruim, asook die gepaardgaande emosionele angs wat soveel pyn veroorsaak.

J. M., Tsjeggiese Republiek

My 19-jarige dogter het hierdie siekte. Niemand weet hoeveel trane sy al gestort het of hoeveel keer sy al tot Jehovah hieroor gebid het nie. Sy het Jehovah lief en het onlangs ’n voltydse evangeliedienaar geword. Ons is dankbaar dat julle sulke artikels publiseer, want dit help ons om te voel dat Jehovah vir ons omgee.

S. S., Japan

Ek is ’n voltydse evangeliedienaar. Ek kan nie verduidelik hoe dit voel as ander, as gevolg van my verkleuring, my aanstaar en huiwer om my hand te skud of my ’n drukkie te gee nie. Net die feit dat ek so ’n liefdevolle en akkurate artikel gelees het, het my baie vertroos. Dankie dat julle ander gehelp het om te sien dat ons toestand nie aansteeklik is nie en vir ons getoon het dat Jehovah vir ons omgee.

C. S., Verenigde State

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel