Van ons lesers
Jongmense vra Dankie vir die wonderlike artikel “Jongmense vra . . . Hoe kan ek mislukking verwerk?” (22 November 2004). Soos Ana, het ek gevoel dat ek God teleurgestel het en nie sy vergifnis kon verkry nie. Maar soos die artikel verduidelik het, het Jehovah Dawid vergewe en hom ten spyte van sy swakhede onderskraag. Hoe bemoedigend is dit tog om te weet dat, selfs as ons val, Jehovah ons sal help om weer op te staan!
G. C., Italië
Galasiërs 6:4 het my die meeste gehelp. Ek het besef dat ek my altyd met die beste leerlinge in my klas vergelyk. Hierdie artikel het my help verstaan dat ek myself benadeel.
C. C., Frankryk
Terreuraanval Die artikel “Hoe om die trauma van ’n terreuraanval die hoof die bied” (8 November 2004) het my werklik diep geraak. Die ondervindinge was wonderlik. Ek het geleer dat ons versterk kan word deur tekste te herroep en deur ’n vaste hoop op die Paradys te hê. Dit is belangrik dat daar soveel tekste as moontlik in ons hart ingeskerp moet wees.
I. A., Japan
Ek is werklik beïndruk dat die broers, selfs al was hulle beseer, gedink het aan die Bybel en die hoop wat Jehovah ons gee. Ek wil baie graag eendag Spanje besoek en die broers vertel hoe hulle my bemoedig het.
L. G., Verenigde State
Ouers Dankie vir die raad wat julle gee in die reeks “Wat beteken dit om ’n goeie vader te wees?” (22 Augustus 2004). Ons weet nou hoe om ons baba se hart op geestelike sake te rig sodat Jehovah se beginsels van kleins af by hom ingeskerp kan word. Dit lyk of artikels soos dié net vir ons geskryf is. Dit bevredig altyd ons geestelike behoeftes op die regte tyd.
K. en M. P., Pole
Tienerswangerskap Dankie vir die reeks “Tienerswangerskap—’n wêreldwye tragedie” (8 Oktober 2004). Nog voordat ek dit klaar gelees het, het ek begin huil. Die artikel het presies beskryf wat my suster deurmaak. Ek is dankbaar dat Jehovah hierdie tydige reeks voorsien het sodat ek haar gevoelens beter kan verstaan.
M. S., Indonesië
In die prent op bladsy 10 kan ’n mens die ouer manne se hartlikheid en meegevoel aanvoel. Hierdie prent verheerlik werklik Jehovah se onoortreflike liefde en barmhartigheid! Dankie dat julle ons leer om ons God na te volg in die wyse waarop ons diegene behandel wat ’n ernstige sonde begaan het, maar berouvol is.
T. K., die Oekraïne
Getuig by die skool Ek was regtig beïndruk deur die artikel “Jongmense wat onbeskroomd oor hulle geloof praat” (8 September 2004). Die ondervindinge van Holly, Jessica en Melissa het my gehelp om by die skool oor my geloof te praat, hetsy met skoolmaats of met onderwysers. Ek was aanvanklik skaam om ’n getuienis te gee. Maar ek is nou aangemoedig om met diegene te praat wat ek by die skool ontmoet.
G. O., Nigerië
Vitiligo ’n Artikel wat onlangs my hart geraak het, is “Wat is vitiligo?” (22 September 2004). Ek het vitiligo al sedert ek nege jaar oud was. Ek is nou in my dertigerjare. Ná talle onsuksesvolle behandelings aanvaar ek dat ek vir God se nuwe wêreld moet wag voordat ek gesond sal word. My lewe is nogtans bevredigend! Dit is moontlik om ondanks hierdie velsiekte ’n vol en gelukkige lewe te lei!
M. S., Mosambiek