Waarom ek nie Allerheiligeaand vier nie

VERLEDE jaar het die 14-jarige Michael van Kanada aan ander dinge gedink terwyl sy bure voorberei het vir Allerheiligeaand (Halloween)—wat in sommige lande ’n gewilde jaarlikse vakansiedag met ’n sterk spiritistiese inslag is. In ’n opstel wat hy vir die skool geskryf het, het Michael gesê:

‘Vanaand is die aand voor Allerheiligeaand. Wanneer ek by my venster uitkyk, sien ek dat al my bure se grasperke met grafstene en geraamtes versier is en dat pampoenlanterns in hulle vensters skyn.a Ouers maak verstellings aan hulle kinders se kostuums; kinders droom oor hoeveel lekkers hulle môre sal kry.

‘My gesin is anders. Ons grasperk is nie versier nie, en daar is nie pampoenlaterns in ons vensters nie. Mense vra my waarom ek nie Allerheiligeaand vier nie. Jehovah se Getuies vier dit nie weens die oorsprong daarvan.b

‘Ek hou eintlik van hierdie tyd van die jaar. “Waarom?” vra jy dalk. Want dit laat my dink. Dit laat my dink oor die rede waarom ek kies om sekere dinge nie te doen nie. Elkeen moet self besluit of die oorsprong van ’n tradisie saak maak. Ek dink dat die oorsprong wel saak maak. Die meeste mense sou byvoorbeeld kwaad raak as hulle bure soos Nazi’s sou aantrek. Waarom? Weens die oorsprong van Nazi-uniforms en waarvoor dit staan—beginsels wat die meeste mense aanstootlik vind. Die beginsels wat deur die duiwel, bose geeste en hekse verteenwoordig word, is vir my aanstootlik, en ek wil nie daarmee geassosieer word nie. Dit is goed om te dink oor die keuses wat ons maak en die redes waarom ons dit maak en om keuses te maak wat gegrond is op beginsels eerder as op wat gewild is. Dit is waarom ek van hierdie tyd van die jaar hou. Ek is trots om anders te wees en om te bly by wat ek glo.’

[Voetnote]