Jongmense vra

Waarom is ek bang om oor my geloof te praat?

“Daar was al ’n paar uitstekende geleenthede om by die skool oor my oortuigings te praat. Maar ek het dit laat verbygaan.”—Kaleb.a

“Ons onderwyseres het die klas gevra wat ons van evolusie dink. Ek het geweet dat dit ’n gulde geleentheid is om oor my geloof te praat. Maar ek was lam van vrees en het niks gesê nie. Ek het daarna baie sleg gevoel.”—Jasmine.

AS JY ’n jong Christen is, weet jy moontlik hoe Kaleb en Jasmine gevoel het. Soos hulle, is jy tog lief vir die Bybelwaarhede wat jy geleer het en wil jy ander graag daarvan vertel. Nogtans is jy dalk doodbang om daaroor te praat. Maar jy kan meer moed aankweek. Hoe? Doen die volgende stappe wanneer jy vir ’n nuwe skooljaar voorberei:

1. Definieer jou vrese. Wanneer jy daaraan dink om oor jou geloof te praat, is dit maklik om jou ’n nagmerrie-scenario voor te stel! Maar soms kan jy jou vrese verminder deur dit eenvoudig in woorde uit te druk.

Voltooi die volgende sin.

◼ As ek by die skool oor my oortuigings praat, kan die volgende gebeur:

․․․․․

Dit sal jou dalk beter laat voel om te weet dat ander jong Christene dieselfde vrese as jy het. Byvoorbeeld, die 14-jarige Christopher erken: “Ek is bang dat die kinders my sal spot en vir almal sal sê dat ek weird is.” En Kaleb, wat aan die begin aangehaal is, sê: “Ek was bekommerd dat iemand ’n vraag sou vra en dat ek nie die antwoord sou ken nie.”

2. Aanvaar die uitdaging. Is jou vrese heeltemal ongegrond? Nie noodwendig nie. “Party kinders het voorgegee dat hulle belangstel in wat ek glo”, sê Ashley. “Maar later het hulle my woorde teen my gebruik en my voor ander gespot.” Nicole, 17, het hierdie ondervinding gehad: “’n Seun het ’n vers in sy Bybel met dieselfde vers in myne vergelyk, en die bewoording het verskil. Hy het gesê dat my Bybel verander is. Ek was stomgeslaan! Ek het nie geweet wat om te sê nie.”b

Sulke situasies kan ’n mens nogal bang maak! Maar pleks daarvan om weg te hardloop, moet jy sulke uitdagings eerder aanvaar as ’n normale deel van jou lewe as ’n Christen (2 Timoteus 3:12). “Jesus het gesê dat sy volgelinge vervolg sal word”, sê die 13-jarige Matthew, “ons daarom kan ons nie verwag dat almal van ons oortuigings sal hou nie.”—Johannes 15:20.

3. Dink aan die voordele. Kan ’n slegte ondervinding tot iets goeds lei? Amber, 21, dink so. “Dis moeilik om jou geloof te verduidelik aan mense wat geen respek vir die Bybel het nie”, sê sy, “maar dit help jou om jou eie standpunt beter te verstaan.”—Romeine 12:2.

Kyk weer na die scenario wat jy by Stap 1 beskryf het. Dink aan ten minste twee goeie dinge wat uit daardie situasie kan voortspruit, en skryf dit hieronder neer.

1 ․․․․․

2 ․․․․․

Wenk: Hoe kan dit tot minder portuurdruk lei as jy jou geloof aan ander bekend maak? Watter uitwerking sal dit hê op jou selfvertroue? Op hoe jy oor Jehovah God voel? Op hoe hy oor jou voel?—Spreuke 23:15.

4. Wees voorbereid. “Die hart van die regverdige dink na sodat hy kan antwoord”, sê Spreuke 15:28. Behalwe om na te dink oor wat jy gaan sê, kan jy probeer dink aan vrae wat ander dalk sal vra. Doen navorsing oor hierdie onderwerpe, en berei antwoorde voor waarmee jy gemaklik voel.—Sien die tabel “Beplan hoe jy gaan antwoord”, op bladsy 25.

5. Maak ’n begin. Wanneer jy gereed is om oor jou geloof te praat, hoe kan jy so ’n gesprek aanknoop? Jy het ’n keuse. Om ander van jou geloof te vertel, is amper soos om te swem: Party mense klim versigtig in die water; ander spring sommer in. Net so kan jy oor ’n niegodsdienstige onderwerp begin praat, en as ’t ware eers die water toets. Maar as jy vind dat jy jou te veel bekommer oor wat kan skeefloop, is jou beste opsie dalk om ‘sommer in te spring’ (Lukas 12:11, 12). “Om te dink oor hoe ek ander van my geloof gaan vertel, was altyd erger as om dit in die werklikheid te doen”, sê die 17-jarige Andrew. “Wanneer ek eers ’n gesprek begin het, was dit baie makliker as wat ek gedink het dit sou wees!”c

6. Wees verstandig. Net soos jy nie in vlak water sal induik nie, moet jy versigtig wees om nie sommer by nuttelose argumente betrokke te raak nie. Onthou, daar is ’n tyd om te praat en ’n tyd om stil te bly (Prediker 3:1, 7). Soms het selfs Jesus geweier om vrae te beantwoord (Matteus 26:62, 63). En onthou hierdie beginsel: “’n Verstandige mens sien onheil kom en vermy dit; onervare mense loop oop oë daarin en boet daarvoor.”—Spreuke 22:3, Nuwe Afrikaanse Bybelvertaling.

As jy besef dat ’n gesprek op ’n argument sal uitloop, moet jy dus nie ‘oop oë daarin loop’ nie. Gee eerder ’n kort en taktvolle antwoord. As ’n klasmaat jou byvoorbeeld uittart en sê: ‘Hoekom rook jy nie?’, kan jy eenvoudig antwoord: ‘Omdat ek dit nie juis geniet om my liggaam te besoedel nie!’ Na aanleiding van die antwoord kan jy besluit of jy jou oortuigings verder sal verduidelik.

Die bogenoemde stappe kan jou help om “altyd gereed [te wees om jou geloof] te verdedig” (1 Petrus 3:15). Om gereed te wees, beteken natuurlik nie dat jy nooit senuweeagtig sal wees nie. Maar Alana, 18, sê: “As jy jou oortuigings verduidelik al is jy bang, laat dit jou voel dat jy iets bereik het—jy het jou vrees oorkom en die kans gewaag dat dit nie goed sal afloop nie. En as dit wel goed afloop, sal jy selfs beter voel! Jy sal bly wees dat jy die moed gehad het om iets te sê.”

Nog artikels uit die reeks “Jongmense vra” kan gevind word op die webwerf www.watchtower.org/ype

[Voetnote]

IETS OM OOR TE DINK

◼ Is dit dalk wat iemand by jou skool dink?

‘Ek weet jy is een van Jehovah se Getuies. Dalk dink jy dat ek jou gaan spot, maar eintlik respekteer ek jou. Hoe kry jy dit reg om so kalm te bly ten spyte van al die probleme in die wêreld? Ek is bang. Sal daar binnekort nog ’n oorlog wees? Sal my ouers skei? Sal ek dit deur hierdie skooldag maak sonder om geskiet of met ’n mes gesteek te word? Ek het soveel vrae, maar dit lyk asof jy al die antwoorde het. Is dit weens jou godsdiens? Ek sal graag daaroor wil praat, maar ek is bang om die onderwerp aan te roer. Sal jy asseblief die gesprek begin?’

[Venster/Prente op bladsy 26]

WAT JOU PORTUURS SÊ

“Party kinders het al vir my gelag omdat ek oor my geloof gepraat het. Maar hulle los my gewoonlik uit wanneer hulle besef dat hulle spottery my nie pla nie.”—Francesca, België.

“As jy nie vir mense sê dat jy ’n Christen is nie, kan jy vergeet wie jy is en jou soos al die ander begin gedra. Jy kan nie toelaat dat jy ’n meeloper word nie; jy moet aan jouself getrou bly.” —Samantha, Verenigde State.

“Toe ek jonger was, wou ek nie anders wees as die ander kinders nie. Maar toe het ek begin besef hoe my geloof my help om ’n beter lewe te hê. Dít het my selfvertroue ’n hupstoot gegee—dit het my trots gemaak op my geloof.”—Jason, Nieu-Seeland.

[Venster op bladsy 26]

MANIERE OM ’N GESPREK TE BEGIN

◼ “Wat beplan jy vir die vakansie?” [Nadat die persoon geantwoord het, kan jy hom vertel van jou geestelike planne, soos om ’n byeenkoms by te woon of jou bediening uit brei.]

◼ Noem ’n nuusberig en vra dan: “Het jy daarvan gehoor? Wat dink jy daarvan?”

◼ “Dink jy dat die wêreld se finansiële situasie [of ’n ander probleem] sal verbeter? [Wag vir ’n antwoord.] Hoekom voel jy so?”

◼ “Behoort jy aan ’n godsdiens?”

◼ “Waar sien jy jou vyf jaar van nou af?” [Nadat die persoon geantwoord het, kan jy hom van jou geestelike doelwitte vertel.]

[Tabel op bladsy 25]

(Sien publikasie vir oorspronklike teksuitleg)

Beplan hoe jy gaan antwoord

Knip dit uit!

Wenk: Bespreek hierdie tabel met jou ouers en vriende. Voltooi die tabel. Probeer dan aan ander vrae dink wat jou klasmaats dalk sal vra.

Sedes

Vraag

Wat is jou beskouing van homoseksualiteit?

Antwoord

Ek haat nie homoseksuele nie, maar ek kan nie hulle gedrag goedkeur nie.

Volgende vraag

Is dit nie ’n bevooroordeelde beskouing nie?

Navorsing

1 Korintiërs 6:9, 10; Vrae wat Jongmense vra​—Antwoorde wat werk, Deel 2, hoofstuk 28.d

Antwoord

Nee, want ek keur alle vorme of van onsedelikheid af—​of dit nou homoseksualiteit of enige ander vorm van onsedelikheid is.

Verhououdings

Vraag

Hoekom gaan jy nie met iemand uit nie?

Antwoord

Ek het besluit om nie in ’n verhouding betrokke te raak tot dat ek ouer is nie.

Volgende vraag

Is dit weens jou godsdiens?

Navorsing

Hooglied van Salomo 8:4; Jongmense vra, Deel 2, hoofstuk 1.

Antwoord

Ja. Ons gaan net met iemand uit wanneer ons dit oorweeg om te trou, en ek weet ek is nog nie daarvoor gereed nie!

Neutraliteit

Vraag

Hoekom salueer jy nie die vlag nie?

Antwoord

Ek respekteer die land waarin ek woon, maar ek aanbid dit nie.

Volgende vraag

Sal jy dan nie vir jou land veg nie?

Navorsing

Jesaja 2:4; Johannes 13:35; Wat leer die Bybel werklik? bladsye 148-151.e

Antwoord

Nee, en miljoene van Jehovah se Getuies in ander lande sal ook nie teen hierdie land veg nie.

Bloed

Vraag

Hoekom aanvaar julle nie bloe doortappings nie?

Antwoord

Ek aanvaar veilige oortappings—die soort wat nie die gevaar van vigs inhou nie. Maar die Bybel inhou nie. Maar die Bybel sê dat ons van bloed moet onthou; dit is dus waar ek die lyn trek.

Volgende vraag

Maar sê nou jy sal doodgaan? Sal God jou nie vergewe nie?

Navorsing

Handelinge 5:28, 29; Hebreërs 11:6; Leer Bybel-boek, bladsye 129-131.

Antwoord

Keuses

Vraag

So-en-so is in julle kerk, en hy het dit of dat gedoen. Hoekom mag jy nie?

Antwoord

Ons word God se vereistes God’s geleer, maar ons word nie gebreinspoel nie! Ons moet almal ons eie keuses maak.

Volgende vraag

Is dit dan nie ’n dubbele tandaard nie?

Navorsing

Antwoord

Skepping

Vraag

Hoekom glo jy nie in evolusie nie?

Antwoord

Hoekom moet ek in evolusie glo? Nie eens wetenskaplikes stem daaroor saam nie, en hulle is veronderstel om die deskundiges te wees!

Volgende vraag

Navorsing

Antwoord

[Voetnote]

[Prent op bladsy 26]

Om ander van jou geloof te vertel, is soos om te swem. Jy kan besluit om stadig te begin—of om sommer in te spring!

van onsedelikheid af