Is dit ontwerp?

Die koue lig van die vuurvliegie

● In tropiese en gematigde gebiede word die vuurvliegie uitgeken aan die flikkerende liggie wat hy gebruik om ’n maat te lok. Interessant genoeg, die vuurvliegie se lig is beter as die mensgemaakte gloeilamp of buislig. Trouens, wanneer jy weer na jou elektrisiteitsrekening kyk, kan jy gerus dink aan wat hierdie klein insek kan doen.

Dink hieraan: ’n Gloeilamp straal slegs 10 persent van sy energie as lig uit; die res word basies vermors en as hitte vrygestel. ’n Buislig is baie doeltreffender, want dit straal 90 persent van sy energie as lig uit. Maar nie een van dié twee kan kers vashou by die vuurvliegie nie. Omdat die lig wat hierdie insek uitstraal, baie min ultraviolet- of infrarooistrale bevat, is dit byna 100 persent energiedoeltreffend!

Die vuurvliegie se geheim lê in die chemiese reaksies van die stof lusiferien, die ensiem lusiferase en suurstof. Spesiale selle wat fotosiete genoem word, gebruik lusiferase om hierdie proses aan die gang te sit, met suurstof as brandstof. Die resultaat is koue lig—so genoem omdat dit feitlik geen hitte voortbring nie. ’n Opvoedkundige in tuinbou en omgewingsake, Sandra Mason, het tereg gesê dat die uitvinder van die gloeilamp, Thomas Edison, “vuurvliegies sekerlik beny het”.

Wat dink jy? Het die koue lig van die vuurvliegie per toeval ontstaan? Of is dit ontwerp?

[Diagram/Prente op bladsy 15]

(Sien publikasie vir oorspronklike teksuitleg)

LIGDOELTREFFENDHEID

Gloeilamp 10%

Buislig 90%

Vuurvliegie 96%

[Foto-erkennings op bladsy 15]

Vuurvliegie op blaar: © E. R. Degginger/Photo Researchers, Inc.; vuurvliegie in vlug: © Darwin Dale/Photo Researchers, Inc.