Is dit ontwerp?
Die bakteriële flagel
● Selfs onder ’n kragtige mikroskoop lyk dit klein en onbeduidend. Dit is al vergelyk met die kragtige buiteboordmotor van ’n boot. Wat is die bakteriële flagel?
Daar is verskillende soorte flagelle, maar die bakteriële flagel, oftewel flagellum (Latyn, “sweep”), is waarskynlik die een wat die meeste bestudeer word. Die flagel, wat aan die selwand van ’n bakterie geheg is, draai in die rondte, en dit stel die mikro-organisme in staat om vorentoe te beweeg, te stop, agtertoe te beweeg en van rigting te verander. Daar word geskat dat die helfte van alle bekende bakterieë met die een of ander soort flagel toegerus is.
Die DNS in die bakterie of mikro-organisme bevat die ontwerp van die flagel sowel as die eenheid wat hom aandryf. Die hele samestelling bestaan uit omtrent 40 proteïene, wat vergelyk kan word met die dele in ’n motor. Wat verbasend is, is dat die flagel homself binne net 20 minute bou!
Die publikasie The Evolution Controversy sê: “Die bakteriële flagel bevat ’n rotasiemotor wat teen snelhede van 6 000 tot 17 000 r.p.m. draai. Wat nog merkwaardiger is, is dat dit binne net ’n kwartdraai van rigting kan verander en dan teen 17- 000 r.p.m. in die teenoorgestelde rigting kan draai. Die tydskrif New Scientist noem die bakteriële flagel “’n treffende voorbeeld van ’n komplekse molekulêre stelsel—’n ingewikkelde nanomasjien wat geen menslike ingenieur sal kan ontwerp nie”.
Wetenskaplikes staan verstom oor die feit dat hierdie klein bakteriële flagel homself bou in die presiese volgorde wat nodig is sodat al 40 dele behoorlik pas en reg werk.
Wat dink jy? Het die bakteriële flagel per toeval ontstaan of is dit ontwerp?
[Diagram/Prent op bladsy 24]
(Sien publikasie vir oorspronklike teksuitleg)
Rotor
Bus
Kruiskoppeling
Aandryf meganisme
Flagelle
[Prent]
’n Bakterie, vergroot
[Erkennings]
Inlas van bakterie: © Scientifica/Visuals Unlimited, Inc.; diagram van flagel: Art source courtesy of www.arn.org