Oneerlikheid kom oral voor!

Dannya werk by ’n groot handelsmaatskappy in Hongkong. Toe hy die fabriek van ’n potensiële verskaffer besoek het, het hy genoem dat hy nie seker is of die fabriek aan die standaarde kan voldoen om sy maatskappy se produkte te vervaardig nie. Later het die fabrieksbestuurder by ’n ete vir Danny ’n koevert gegee. In die koevert was daar omkoopgeld van tienduisende rande—soveel soos hy in ’n jaar verdien.

● Danny se ondervinding is beslis nie uniek nie. Dit is verstommend hoe algemeen oneerlikheid regoor die wêreld is. Hofdokumente toon byvoorbeeld dat ’n groot nywerheidsfirma in Duitsland tussen 2001 en 2007 byna tienmiljard rand in omkoopgeld betaal het om kontrakte te verkry.

Onlangse skandale in die sakewêreld wat groot opslae in die nuus gemaak het, het wel ’n paar hervormings tot gevolg gehad, maar dit lyk asof die situasie oor die algemeen versleg. ’n Studie wat in 2010 deur Transparency International gedoen is, het getoon dat daar wêreldwyd “oor die afgelope drie jaar ’n toename in korrupsie was”.

Waarom is daar soveel oneerlikheid? Is dit prakties om eerlik te wees? Indien wel, hoe is dit moontlik? Kan die Bybel ons help?

[Voetnoot]