“Verkondig goeie nuus van iets beters”
“Ontwaak, ontwaak, beklee jou met sterkte, o Sion!”−JESAJA 52:1.
1. (a) In watter opsig het die wêreld se nuusmedia misluk? (b) Wat word deur dle wysste Bron van nuus bekend gemaak?
HIERDIE wekroep het vroeg in ons twintigste eeu uitgegaan. En waarom? Omdat die tyd aangebreek het om goeie nuus van beter dinge vir die mensdom te verkondig. Lees ons hierdie goeie nuus in die wêreld se koerante? Nee, want die media verkies om oor wêreldlike sensasionalisme of die vermeerdering van onsedelikheid verslag te doen. Maar hulle kan nie ’n oplossing aanbied nie. Baie vrees vandag vernietiging in ’n vurige wêreldslagting, veroorsaak deur die ontploffing van verskriklike kernstoestelle wat deur die mens self gemaak is. Maar Iemand wat baie wyser is as die mens, deel ons mee dat die einde van die wêreld van ’n heel ander Bron sal kom. Dit sal naamlik God se eie voltrekking van oordeel aan goddelose mense en goddelose nasies wees (Psalm 110:5, 6). Hierdie Bron van nuus vertel ons ook van ’n wonderlike millennium van herstelling wat sal volg, wanneer ons aarde, en die mensdom daarop, tot heerlike volmaaktheid gebring sal word. Dit is voorwaar goeie nuus!—Openbaring 20:6; Psalm 72:16, 18, 19; Romeine 8:21.
2. Watter dringende wekroep gaan nou uit, en hoe moet dit beantwoord word?
2 ‘Ontwaak, ontwaak!’ roep Jesaja uit. Waarom is dit so dringend? Wel, die treffende vervulling van Bybelprofesie sedert die jaar 1914 toon dat God se Koninkryk onder Christus Jesus, “die stad van die lewende God, die hemelse Jerusalem”, nou in die hemele regeer. Die aardse verteenwoordigers van Sion, God se hemelse organisasie, moet tot ywerige werksaamheid ontwaak. Hulle moet hierdie goeie nuus bekend maak deur die krag wat God gee aan diegene wat hom as regeerder gehoorsaam.—Hebreërs 12:22; Handelinge 5:32, NW.
3. Aan wie rig Jesaja sy woorde, en watter uitnodiging word gegee?
3 Jesaja vervolg: “Trek jou sierlike klere aan, o Jerusalem, heilige stad! Want in jou sal verder geen onbesnedene of onreine meer kom nie. Skud jou los uit die stof, staan op, sit neer, o Jerusalem! Maak los die bande aan jou hals, o gevangene, dogter van Sion.”—Jesaja 52:1, 2.
4. Hoe is die profesie in die twintigste eeu vervul?
4 Hierdie profesie het ’n heuglike vervulling in die twintigste eeu! Gedurende die Groot Oorlog van 1914-1918 het gesalfde Christene in ’n geestelike sin gevangenes geword, en party, waaronder ampsdraers van die Wagtoringgenootskap, is letterlik in die tronk gegooi. Maar in 1919 het daar vrylating gekom. As verteenwoordigers van die hemelse Sion het hierdie Christene toe “klere” aangetrek wat uit God se standpunt sierlik was—hulle identifikasie as knegte van die Soewereine Heer van die heelal. Hulle het hulle afgeskei van sedelike en geestelike onreinheid. —Vergelyk 2 Korinthiërs 6:17, waar die apostel Paulus uit Jesaja 52:11 aanhaal.
5. Hoe het God se volk ag geslaan op Jesaja se oproep en Jesus se voorbeeld?
5 God se volk is aldus volkome bevry van valse godsdiensleringe en -gebruike. In navolging van die voorbeeld wat Jesus op aarde gestel het, het hulle ook verklaar dat hulle “nie van hierdie wêreld”, met inbegrip van sy verdorwe politiek en toenemende geweld, is nie (Johannes 18:36; Openbaring 18:2, 4). Maar om uit hulle toestand van vertrapping tot ’n goedgekeurde posisie voor God op te staan, moes hulle hul Heer se voetstappe op ’n nog positiewer manier navolg, soos ons nou sal sien.—1 Petrus 2:21.
“Jou God is Koning!”
6. Wie se “voete” bring nou goeie nuus, en met watter doel kom hy nou?
6 Luister aandagtig na die profeet se verdere woorde: “Hoe lieflik is op die berge die voete van hom wat die goeie boodskap bring, wat vrede laat hoor, wat goeie tyding bring [wat goeie nuus van iets beters bring], wat verlossing uitroep; wat aan Sion sê: Jou God is Koning!” (Jesaja 52:7, vgl. NW). Hierdie Boodskapper van vrede is niemand anders as die Koning, Jesus Christus, nie. Toe hy op aarde was, is hy deur God se gees gesalf om goeie nuus aan die armes en verbryseldes te bring. Maar nou, met die vervulling van “die tye van die nasies” in 1914, kom hy “in sy heerlikheid ... en al die heilige engele saam met Hom” om sy koningskap te aanvaar en die nasies en volke van die aarde te oordeel. —Lukas 4:18; 21:24; Mattheüs 25:31, 32.
7. Watter nuus bring die Boodskapper?
7 Sien hierdie Boodskapper in jou geestesoog terwyl hy, figuurlik gesproke, van berg tot berg spring, gretig om goeie nuus van iets beters te verkondig aan alle soekers na God. Hoe lieflik is sy “voete”! Hulle dra hom vinnig op sy vredestaak. Ywerig verkondig hy verlossing aan die eens gevange “dogter van Sion”, die bevryde oorblyfsel van die 144 000 geestelike Israeliete, en daarna aan ’n ongetelde ‘groot menigte uit alle nasies’.—Openbaring 7:4, 9, 10.
8. Watter aangrypende aankondiging word nou gedoen, en waarom?
8 Die verkondiging van vrede en goeie nuus draai om die aangrypende aankondiging: “Jou God is Koning!” Wie is hierdie God, en hoe word hy Koning? Hy is die God wie se naam verag en selde genoem word onder die godsdienste van die Christendom, naamlik die Soewereine Heer JEHOVAH. Hy is die Een wat in die voorgaande verse van Jesaja 52 verklaar: “My Naam word gedurigdeur die hele dag gelaster. Daarom sal my volk my Naam leer ken.” Sy weergalose naam moet nou geregverdig word omdat sy uur aangebreek het om die nasies te oordeel. Hulle moet ook leer om hom te vrees as “Koning van die nasies”.—Jeremia 10:7; Openbaring 14:7.
9. (a) Wat is die onderskeie posisies van “onse Here” en “sy Christus”? (b) Waarvoor kan alle lowers van God dankbaar wees?
9 Hierdie groot Koning is die Here oor wie groot stemme in die hemel in verband met gebeure sedert 1914 sê: “Die koninkryke van die wêreld het die eiendom van onse Here geword en vein sy Christus, en Hy sal as Koning heers tot in alle ewigheid.” Ander aanbidders van God voeg die volgende woorde van hartgrondige lof by: “Ons dank U, Here God, Almagtige, wat is en wat was en wat kom, dat U u groot mag aangeneem en as Koning geheers het. En die nasies was vertoornd, en u toorn het gekom.” In hierdie dag van die Koninkryk regeer Christus Jesus as Medekoning saam met sy Vader, die Here Jehovah, wie se regverdige oordeel hy vel.—Openbaring 11:15, 17, 18; 12:10; Johannes 5:30.
10. Wat het Paulus getoon deur Joël 2:32 en Jesaja 52:7 aan te haal?
10 Hierdie Boodskapper-Koning is nie al een wat vrede verkondig nie. Die apostel Paulus verduidelik waarom nie en haal Joël 2:32 soos volg aan: “Elkeen wat die Naam van [Jehovah] aanroep, sal gered word.” En hoe kan hulle in Hom glo van wie hulle nie gehoor het nie? En hoe kan hulle hoor sonder een wat preek? En hoe kan hulle preek as hulle nie gestuur word nie? Soos geskrywe is: “Hoe lieflik is die voete van die wat die evangelie van vrede verkondig, van die wat die evangelie van die goeie verkondig!”—Romeine 10:13-15.
11. Hoe het baie in ons dag getoon dat hulle ‘lieflike voete’ het?
11 Ander het dus ook ‘lieflike voete’. Dit is hulle wat ag geslaan het op die goeie nuus wat deur God se Boodskapper verkondig is. Hulle het op hulle beurt ook verkondigers van goeie nuus geword—’n leërskare van Koninkrykspredikers. Vandag tel hulle sowat twee en ’n half miljoen, ’n groep wat bestaan uit manne, vroue en kinders uit alle nasies van die mensdom! Hoe bevoorreg is jy as jy een van hulle is, ’n verkondiger van “goeie nuus van iets beters’’! En hoe kosbaar is jou letterlike voete as hulle jou gereeld van huis tot huis dra terwyl jy verlossing verkondig! Want sodoende neem jy deel aan die vervulling van Psalm 19:5, wat in Romeine 10:18 deur Paulus aangehaal word met die woorde: “Oor die hele aarde het hulle stem uitgegaan en tot by die eindes van die wêreld hulle woorde.’’—Kyk ook Psalm 99:1-3; 148:12, 13.
God se organisasie in aksie!
12. (a) Waarvoor is dit nou die allerbelangrikste tyd? (b) Watter treffende waarhede is sedert 1925 bekend gemaak?
12 Ja, “jou God is Koning!” Daarom is dit nou die tyd der tye om die naam van die lewende God, Jehovah, te verhoog en hom as Soewereine Heer te verheerlik. In die twintigerjare van hierdie eeu was die oorblyfsel van God se gesalfde knegte baie dankbaar dat lig aangaande God se Koninkryk aanhoudend ‘vir die regverdige gesaai is’. En ’n mylpaal is bereik met die publikasie van The Watchtower van 1 Maart 1925. Die hoofartikel, met die titel “Geboorte van die nasie”, het die profesieë uitgelê wat toon dat God se beloofde Koninkryk in 1914 in die hemel gebore is, dat die Messiaanse Koning die Duiwel en sy engele na die aarde neergewerp het en dat daar end-uit oorlog tussen God se organisasie en Satan se organisasie moet wees.—Psalm 97:11; Openbaring 12:1-12.
13. (a) Watter vooruitgang het God se volk tot in 1938 gemaak? (b) Watter tydige verwikkeling het in 1938 plaasgevind?
13 In die loop van hierdie geestelike oorlogvoering is diegene in Jehovah se organisasie verkwik deur die voortdurende opheldering van hulle Bybelbegrip, en hulle getalle het aangegroei totdat nie minder nie as 50 769 in 1938, tydens ’n internasionale getuienisperiode, Koninkryksdiens gerapporteer het. Die snelle groei het beter organisasie vereis, en Jehovah het dit presies op die regte tyd voorsien! Die twee nommers van The Watchtower vir 1 en 15 Junie 1938 het die studietema “Organisasie” gehad. Dit is in Julie en Augustus gevolg deur ’n reeks van vier artikels oor “Sy oorlog”. ’n Waarlik teokratiese reëling is onder Jehovah se Getuies ingestel, en dit het hulle versterk vir verskerpte geestelike oorlogvoering. Soos Jesaja se profesie in hoofstuk 60 verse 17 en 22 aangedui het, sou die verbeterde toestand onder God se volk ’n versnelling van Jehovah se Koninkrykswerk tot gevolg hê.
14. (a) Wat het in hedendaagse tye met Salomo se bouprogram ooreengestem? (b) Watter vraag word met die oog hierop gestel?
14 Hierdie Watchtower-artikels oor “Organisasie” het ’n vergelyking gemaak tussen Salomo se heerskappy van die 11de eeu v.G.J. en dié van die gekroonde Jesus, wat in 1914 G.J. begin het. Salomo het in die vierde jaar van sy heerskappy met sy bouprogram begin. Dit het 7 jaar gekos om die tempel te bou, en nog 13 jaar om die koning se huis te voltooi. Dit wil voorkom of die Here Jesus Christus gedurende die tydperk 1918-38 eweneens ’n bouwerk laat doen het wat veral betrekking gehad het op die herstelling van ware aanbidding en die opbou van die geestelike “huis van God” (1 Petrus 4:17). Die laaste Watchtower oor “Organisasie” het met hierdie kommentaar afgesluit:
“Die Skrif toon dat Salomo, ná die twintig jaar van sy bouprogram soos hierbo uiteengesit, ’n nasie wye bouprogram aangepak het (1 Kon. 9:10, 17-23; 2 Kron. 8:1-10). Toe het die koningin van Skeba ‘gekom van die eindes van die aarde af om die wysheid van Salomo te hoor’ (Matt. 12:42; 1 Kon. 10:1-10; 2 Kron. 9:1-9, 12). Dit laat die vraag ontstaan: Wat lê in die onmiddellike toekoms vir Jehovah se volk op aarde voor? Met volle vertroue sal ons wag, en ons sal sien.”
Wel, wat sien ons nou, sowat 46 jaar later?
Wonderlike uitbreiding!
15. (a) Watter hedendaagse “koningin van Skeba” het op die toneel verskyn? (b) Watter organisatoriese reëlings het hierdie klas gehelp, en hoe?
15 Van die eindes van die aarde af’ het die hedendaagse “koningin van Skeba”-klas, die Here se “ander skape”, by die duisende gekom om na die wysheid van die gekroonde Koning, Jesus Christus, te luister. Hy is voorwaar “meer as Salomo”. Deur middel van “die getroue en verstandige dienskneg”—daardie groep gesalfde Christene wat deur die Heer hier op aarde georganiseer en gemagtig is—het hy ’n maaltyd van geestelike vetspyse voorsien (Mattheüs 12:42; 24:45-47). En selfs toe die Tweede Wêreldoorlog op sy toppunt was, het hierdie “dienskneg” stappe gedoen om die goeie nuus op nog groter skaal te verkondig. In 1943 het die Wagtoring-Bybelskool Gilead sy deure in South Lansing, New York, V.S.A., geopen. Bekwame bedienaars is as sendelinge opgelei, en elke ses maande is nagenoeg honderd sendelinge na die eindes van die aarde uitgestuur.
16. (a) Wat toon dle bygaande grafiek in verband met uitbreiding sedert 1943? (b) Watter verwikkelinge het die afgelope tien jaar plaasgevind?
16 Het Jehovah die georganiseerde werk van sy getuies geseën? Die grafiek hieronder, wat die gemiddelde getal Koninkryksverkondigers in Jehovah se diens by tussenpose van tien jaar sedert 1943 toon, gee die antwoord. Die vooruitgang gedurende die laaste tienjaarperiode is vir ons van spesiale belang. Dit was jare van beproewing en sifting, en ’n paar misnoegde afvalliges het die organisasie verlaat. Maar dit was ook wonderlike jare van wêreldwye opbou en reorganisasie waarin die broers versterk is vir die werk wat voorlê. Want dit ly geen twyfel dat daar ’n verdere insameling van die “skape” moet plaasvind voordat “die stede verwoes lê” nie.—Jesaja 6:11; vergelyk Lukas 22:31, 32; Mattheüs 25:31-33.
17. Waarom het Jehovah se Getuies nou wêrelwyd rede tot blydskap?
17 Gedurende 1983 het die Koninkrykswerk wonderlike vaart gekry. Rondom die aarde het een land na die ander hoogtepunte in verkondigers begin rapporteer. Die venster regs gee ’n aanduiding van die vreugde wat die broers smaak terwyl Jehovah hierdie vermeerdering gee. Daar was geweldige groei gedurende die lente- en somermaande, sodat die wêreldveld nou ’n wonderlike hoogtepunt van 2 652 323 verkondigers—174 715 meer as die hoogtepunt vir 1982—in 205 lande bereik het. Ons loof Jah vir hierdie seën!—Maleagi 3:10; Deuteronomium 28:12, 13.
18. Wat behoort die doopverslag ons aan te spoor om te doen?
18 Hoe verblydend was dit ook om te sien hoe toenemende getalle hulle toewyding aan Jehovah deur waterdoop simboliseer! By die “Koninkrykseenheid”-Streekbyeenkomste van 1983 is talle nuwelinge aldus in die geestelike eenheid van God se organisasie opgeneem. Altesaam 161 896 persone is gedurende 1983 gedoop, ’n vermeerdering van 17 persent oor die vorige jaar. Mag Jehovah gedurende 1984 weer eens ons werk as ‘vissers en jagters’ seën! (Jeremia 16:16). En wanneer ons persone vind wat waardig is, wil ons hulle voed deur die vaardige gebruik van God se Woord, tesame met daardie twee puik boeke Jy kan vir ewig in die Paradys op aarde lewe en Verenig in die aanbidding van die enigste ware God.— Mattheüs 10:7, 11.
19. Wat toon die Gedenkmaalverslag vir 1983?
19 Die heel opwindendste aspek is die verslag oor die Gedenkmaal, wat op die aand van 29 Maart 1983 in sowat 46 235 gemeentes rondom die aarde gehou is. Slegs 9 292 persone het blyk gegee van hulle hemelse hoop deur die embleme te gebruik, wat toon dat die “ander skape” die oorgrote meerderheid van die 6 767 707 aanwesiges uitgemaak het—’n vermeerdering van 514 920 vergeleke met die syfer vir 1982. Inderdaad ’n reuseskare sagmoedige persone wat belangstelling in Jehovah se Koninkryksvoornemens toon!
20. Hoe moet ons nou hulp verleen aan nuwe metgeselle, sowel as onbedrywiges, en waarom?
20 Onder inspirasie van God se gees het koning Dawid gesê: “Die ootmoediges daarenteen sal die aarde besit en hulle verlustig oor groot vrede.” (Psalm 37:11; kyk ook Mattheüs 5:5.) Laat Jehovah se Getuies oral ywerig meehelp om die sagmoediges wat met hulle begin omgaan, soos Gedenkmaalbywoners, op te bou en ook liefdevolle, geestelike hulp te verleen aan voormalige metgeselle wat onbedrywig geraak het. Hulle lewens is vir Jehovah kosbaar (Mattheüs 18:14). Sulke persone moet nou ‘hul klere was en hul klere wit maak in die bloed van die Lam’, en dit dan wit hou, indien hulle deur die groot verdrukking heen gered wil word. Mag die “groot menigte” aanhou toeneem in getal namate al hoe meer sagmoediges ontwaak om hulle as toegewyde knegte van Jehovah te identifiseer en om vreugdevol saam met sy volk ‘goeie nuus van iets beters’ te verkondig.—Openbaring 7:9, 14.
Hoe sal jy antwoord?
◻ Watter treffende vervulling het Jesaja 52:1, 2 in hierdie eeu ondergaan?
◻ Hoe is Jesaja 52:5-7 op die Koninkryksverkondigers van toepassing?
◻ Hoe het Jehovah sy volk vir toekomstige uitbreiding voorberei?
◻ Watter blyke is daar van Jehovah se seën deur die dekades heen, en veral gedurende 1983?
[Grafiek op bladsy 6]
(Sien publikasie vir oorspronklike teksuitleg)
Koninkryksvermeerdering by tussenpose van tien jaar
Gemiddelde getal verkondigers
1943 109 794
1953 468 106 TOENAME: 358 312
1963 956 648 TOENAME: 488 542
1973 1 656 673 TOENAME: 700 025
1983 2 501 722 TOENAME: 845 049
[Venster op bladsy 7]
Die volgende is tipies van tientalle 1983-jaarverslae wat van Wagtoringtakke ontvang is:
◻ Kanada: Die jaar het talle hoogtepunte opgelewer, waaronder 77 003 verkondigers, ’n vermeerdering van 13 persent oor verlede jaar se gemiddelde.
◻ Chili: Ons hoogtepunt van 21 344 verkondigers in Augustus was ’n vermeerdering van 25 persent. Daar was 70 522 by die Gedenkmaal.
◻ El Salvador: Van Januarie tot Augustus was daar ’n reeks verkondigerhoogtepunte, tot 12 008, wat ’n vermeerdering van 25 persent was; en 44 967 het die Gedenkmaal bygewoon.
◻ lerland: Ons het in Augustus ’n hoogtepunt van 2 215 verkondigers behaal; die 127 wat gedoop is, verteenwoordig ’n vermeerdering van 17 persent.
◻ Israel: Ons hoogtepunt van 297 verkondigers in April was ’n vermeerdering van 14 persent.
◻ Filippyne: Na die streekbyeenkomste van 1982 het die verkondigertal van 60 000 tot oor die 70 000 opgeskiet.
◻ Sri Lanka: Ons het vyf opeenvolgende verkondigerhoogtepunte gehad, met ’n rekordgetal van 764 in Mei—’n vermeerdering van 14 persent.
◻ ’n Afrikaland waar die werk verbied is: Die uitstekende Gedenkmaalopkoms van 25 430 is ongeveer twee en ’n half maal die gemiddelde getal verkondigers.