“Vertrou op Jehovah”-Streekbyeenkoms—Moet dit nie mis nie!

Drie volle, lonende dae van Bybelonderrigting en heilsame Christelike omgang wag op jou by die “Vertrou op Jehovah”-Streekbyeenkoms van Jehovah se Getuies. Gedurende Desember 1987 en Januarie 1988 sal 15 byeenkomste dwarsdeur suidelike Afrika alleen gehou word, en daar sal dus een nie ver van jou huis wees nie. Beplan om teenwoordig te wees vanaf die openingsessie Vrydag om 10:20 vm., en bly tot en met die slotsessie Sondagmiddag.

Tydens die openingsessie sal die leersame toespraak “’n Volk wat van die wêreld afgeskei is” gehou word. In die middag sal reguit en deurdringende raad aan ouers en dan aan jongmense gerig word. Jongmense sal gehelp word om te waak teen ’n leefwyse wat ’n “dubbele lewe” genoem kan word. Dan sal hierdie saak in ’n hartroerende, hedendaagse drama beklemtoon word.

Die toespraak oor toewyding en doop sal Saterdagoggend gehou word, en onderrig, in ooreenstemming met die byeenkomstema, sal gegee word oor die maniere waarop ons ons vertroue in Jehovah kan openbaar. “Verantwoordelike ouerskap in hierdie tyd van die einde” sal ’n hoofstoespraak op die middagprogram wees, en die program sal afsluit met ’n simposium van toesprake oor die tema “Die Woord van God is lewend”.

Die Sondagprogram sal die toespraak “Verafsku die wêreld se skandelike weë met jou hele wese”, asook ’n gekostumeerde Bybeldrama wat die dringendheid van ons tye illustreer, insluit. In die middag sal die openbare toespraak, “Wie kan jy in ons angsvolle tye werklik vertrou?”, nog ’n hoogtepunt van die byeenkoms wees.

Vind plaaslik by Jehovah se Getuies uit wanneer en waar die naaste byeenkomste gehou sal word.