Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • w92 8/15 bl. 3-4
  • Talespraak—’n toenemende verskynsel

Video nie beskikbaar nie.

Jammer, die video kon nie laai nie.

  • Talespraak—’n toenemende verskynsel
  • Die Wagtoring kondig Jehovah se Koninkryk aan—1992
  • Onderhofies
  • Soortgelyke materiaal
  • Waarom is daar vandag die begeerte na die gawe van tale?
  • Wat ondervind ’n mens?
  • Talespraak
    Redenering uit die Skrif
  • Wat leer die Bybel oor die vermoë om in tale te praat?
    Antwoorde op Bybelvrae
  • Is die gawe van tale deel van die ware Christelike geloof?
    Die Wagtoring kondig Jehovah se Koninkryk aan—1992
  • Talespraak—Kom dit van God af?
    Die Wagtoring kondig Jehovah se Koninkryk aan—2010
Die Wagtoring kondig Jehovah se Koninkryk aan—1992
w92 8/15 bl. 3-4

Talespraak—’n toenemende verskynsel

“’NKRAG het beheer van my tong geneem en die woorde het net soos water voortgevloei. Wat ’n vreugde was dit tog nie! Ek het ’n gevoel van superreinheid ondervind. Sedertdien was ek nog nooit weer dieselfde nie”, het iemand gesê wat die buitengewone ondervinding gehad het om in ’n “vreemde taal” te praat.

Daar het jy ’n persoon se beskrywing van sy eerste ondervinding om in ’n “vreemde taal” te praat. Party mense vra dalk tereg: ‘Maar wat is dit?’ Dit verwys na ’n gebruik of opvatting in party kerke waar mans en vroue beweer dat hulle deur God se gees beweeg word om in vreemde of buitengewone tale wat hulle nie ken nie te praat.

Dit is ’n toenemende godsdiensverskynsel. Waar dit eers beskou is as iets wat slegs onder lede van die Pinksterkerke voorkom, oorskry dit nou tradisionele sektariese grense om Baptiste, Anglikane, Lutherane, Metodiste, Presbiteriane en Rooms-Katolieke in te sluit. Die toestand van ’n persoon in hierdie staat is al beskryf as ekstaties, waansinnig, verrukkend en hipnoties. Party noem dit selfs ’n histeriese ondervinding. Talespraak, of ekstatiese taal, word met die mistieke en met charisma geassosieer.

Waarom is daar vandag die begeerte na die gawe van tale?

Cyril G. Williams sê in sy boek Tongues of the Spirit dat daar dalk ’n “onderlinge verband tussen ’n gevoel van mislukking en die begeerte na ‘tale’” is. Hy beskryf dit as ’n ontladingsmeganisme wat “terapeutiese waarde as ’n spanningsverligter” het en ’n “oplosser van innerlike tweestryd” is. Frustrasie in kerkwerk, emosionele spanning, ’n mislukte loopbaan, die dood van ’n geliefde, spanning by die huis of siekte in die gesin word aangegee as faktore wat tot sulke ekstatiese spraak bydra.

John P. Kildahl sê eweneens in The Psychology of Speaking in Tongues dat “kommer ’n voorvereiste is vir die ontwikkeling van die vermoë om in tale te praat”. Deur persoonlike navorsing en sorgvuldige onderhoude is daar bevind dat “meer as 85% van diegene wat in tale praat definitiewe krisisse ondervind het voordat hulle in tale gepraat het”. ’n Moeder wou byvoorbeeld in tale praat sodat sy vir haar seun kon bid wat kanker gehad het. ’n Man het in tale begin praat toe hy nie oor ’n aanbod om bevordering kon besluit nie. ’n Vrou het in tale begin praat binne ’n week nadat haar man by Alkoholiste Anoniem aangesluit het.

Wat ondervind ’n mens?

Nog ’n persoon wat vir die eerste keer in tale gepraat het, het gesê: “Ek het ’n brandende gevoel regdeur my gehad, en koue rillings en groot sweetdruppels, ’n bewing en ’n soort lamheid in my ledemate.” Talespraak gaan dikwels met ongewone gedrag gepaard wat party mense ontstel. Byvoorbeeld: “Een meisie het byna in haar eie speeksel verstik terwyl sy uitgestrek op ’n stoel gelê het, haar kop op die rugleuning, haar hakke op die vloer en haar bene styfgeskop.” Gedurende een gemeentelike samekoms het “’n man van die een kant van die kerk na die ander kant bolmakiesiespronge uitgevoer”.

Professor William J. Samarin skryf: “Talespraak is vir party mense ’n vereiste om met die Heilige Gees gedoop te word.” Daarsonder “laat dit [hulle] nie heeltemal volkome voel nie”. Dit word ook beskou “as ’n antwoord op gebede, ’n versekering van goddelike liefde en aanvaarding”. Ander het gesê dat hulle agterna ’n gevoel van innerlike harmonie, vreugde en vrede ondervind, “’n groter gevoel van krag” en “’n sterker identiteitsin”.

Is ekstatiese spraak werklik ’n bewys van die heilige gees se werking? Onderskei die ondervinding ’n persoon as ’n ware Christen? Is talespraak vandag deel van aanvaarbare aanbidding? Hierdie vrae verdien meer as net ’n oppervlakkige antwoord. Waarom? Want ons wil hê dat ons aanbidding God se goedkeuring en seën moet wegdra.

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel