Gee aandag aan verspreiding van Ontwaak!
1 Ontwaak! bevat van tyd tot tyd onderwerpe van spesiale belang vir sekere groepe mense. Hoewel ’n uitsonderlike verspreiding van hierdie besondere nommers miskien nie gereël word nie, kan bewustheid van hulle potensiële byval in julle plaaslike gebied ’n wyer verspreiding van waardevolle inligting moontlik maak.
2 Die nommer van 8 Augustus 1985 van Ontwaak! bevat byvoorbeeld ’n reeks artikels oor misdadigheid, die oorsake daarvan, en die oplossing. Polisiebeamptes, regsgeleerdes, regters, hofpersoneel, tronkbeamptes, proefbeamptes en ander wat met wetstoepassing te doen het, sal veral in hierdie artikels belangstel.
3 Ontwaak! se nommer van 8 September 1985 sal ’n reeks artikels oor leesprobleme bevat en wenke gee oor hoe jy jou leesvermoë kan verbeter. Daar sal dalk geleenthede wees om hierdie tydskrifte te versprei onder onderwysers en ander wat by opvoeding betrokke is. Jong Getuies op skool kan gerus aan hierdie verspreiding deelneem.
4 Talle broers het al sukses behaal met die verspreiding van afsonderlike eksemplare van Ontwaak! deur gekose artikels vir spesiale groepe aan te bied wat veral in daardie spesifieke inligting belang sal stel. Mag hierdie herinnering jou help om Ontwaak! wyer in jou persoonlike gebied te versprei.