Reeks toesprake oor Wêreldwye veiligheid-boek

¹ Dit was met groot vreugde dat ons almal die nuwe Bybelstudiehulp Wêreldwye veiligheid onder die “Vredevors” by vanjaar se “Goddelike Vrede”-Streekbyeenkoms ontvang het. Toe het ons gehoor dat dit spesiaal voorberei is vir gebruik by ons Gemeentelike Boekstudies.

² Die Genootskap het gereël om die informasie in ’n reeks van ses toesprake van 18 Januarie tot 22 Februarie te dek sodat almal soveel moontlik by hierdie nuwe Bybelstudiehulp baat kan vind. Almal moet hulle voorneem om nie een van hierdie toesprake mis te loop nie. Dit sal party wat nog nie die boek gelees het nie aanmoedig om dit wel te doen. En die toesprake sal belangrike punte verder inskerp by diegene wat dit reeds gelees het. Dit is inderdaad ’n boek vol tydige geestelike voedsel wat in die nabye toekoms in ons Gemeentelike Boekstudies bespreek gaan word.

³ Die titels van die toesprake en die hoofstukke van die Wêreldwye veiligheid-boek waarop hulle gebaseer sal word, is:

1​—Die heersende “Vredevors” bevry sy volk (hoofstukke 1-4)

2​—Dit is nou noodsaaklik om te “waak” (hoofstukke 5-8)

3​—Goddelike verbonde wat volvoering nader (hoofstukke 9-12)

4​—Die “groot menigte” oorleef die Christendom se vernietiging (hoofstukke 13-16)

5​—Jehovah se lojale knegte aanskou sy oorwinning by Armageddon (hoofstukke 17-19)

6​—Jehovah word universeel “alles vir almal” (hoofstukke 20-22)

⁴ Deeglike voorbereiding sal bekwame onderrigting en ’n geesdriftige toespraak verseker. Hierdie toesprake moet gevolglik net aan bekwame sprekers toegewys word.