“Dit is die weg”
1 Jesaja 30:21 se: “Jou ore sal ’n woord agter jou hoor wat sê: Dit is die weg, wandel daarop!” Daardie “woord agter jou” is die stem van Jehovah wat deur sy Woord en organisasie spreek. Slaan jy ag op daardie “woord”, en help jy ander om daarop te reageer?—Jak. 4:17.
2 Diegene met wie ons studeer, moet besef dat Jehovah ’n organisasie het. Ons moet hulle help om die organisasie ooreenkomstig die vervulling van profesie te beskou en om beweeg te word om daarmee saam te werk. (Handelinge, hoofstuk 2; vergelyk Romeine 12:5.) Wat kan ons doen om die rol van die organisasie in hulle lewens te beklemtoon?
GEBRUIK DIE BROSJURE GOED
3 Die brosjure Jehovah se Getuies—Verenig in die uitvoering van God se wil wêreldwyd kan baie nuttig wees om Bybelstudente na Jehovah se organisasie te rig. Dit is belangrik dat elke verkondiger ’n eksemplaar van die brosjure het en dit gebruik wanneer hy ’n Bybelstudie hou. Die brosjure maak doeltreffend gebruik van die Skrif, prente en hersieningsvrae. Dit is baie voordelig om tien minute of wat gedurende of aan die einde van elke studie af te staan om informasie uit die brosjure te bespreek.
4 Die student moet aangemoedig word om die artikel of die gedeelte na te gaan wat gedurende die toegewese tyd gedek kan word. Jy wil dalk jou bespreking tot een of twee vrae beperk. Wanneer jy “Jehovah versamel sy volk en rus hulle toe vir die werk” bespreek, kan jy byvoorbeeld al die tyd aan die derde vraag op bladsy 11 bestee. As jy die gedagtes op bladsye 8 en 9 hersien, kan jy die student deur middel van die teksverwysings help om Jehovah se leiding te verstaan.
5 Maak goed gebruik van die prente in “Gemeentes tot opbouing in liefde en eenheid” wat op bladsy 12 begin. Jy kan jou dit gerus ten doel stel om dit te gebruik om die basiese verantwoordelikhede van die ouere manne te toon. Sulke nadruk sal dit vir die student makliker maak om te leer om na die ouere manne te gaan wanneer hy probleme ondervind.
6 Bespreek slegs een vergadering elke week wanneer jy die vergaderinge hersien. Dit kan gedoen wordwanneer jy die antwoord op vraag 2 in die artikel “Vergaderinge om tot liefde en goeie werke aan te spoor” gaan bespreek. Wys die student hoe jy vir die Gemeentelike Boekstudie voorberei.
HOU DIT EENVOUDIG
7 Daar is talle ander onderwerpe in die Uitvoering van God se wil wat bespreek kan word wanneer dit nodig is. Soos een broer dit gestel het: “Ons moet dit eenvoudig probeer hou. Slegs ’n paar tekste, ’n kort bespreking oor die belangrikheid daarvan om by vergaderinge te wees, en jou waarlik—dit werk!” ’n Ander broer het gesê: “Ek maak altyd in my openings- en slotgebed melding van Jehovah se organisasie.”
8 Die Uitvoering van God se wil-brosjure kan jou leiding gee en help om jou Bybelstudie lewendig, aan die gang en progressief te hou. Onthou om gereeld gedagtes uit die brosjure te bespreek. Laat ons dan die leiding neem om oplettende studente na Jehovah se organisasie te rig en saam met Jehovah sê: “Dit is die weg.”