Bestudeer die Paradys op aarde-boek en die Verenig in aanbidding-boek
1 Traktate, brosjures, tydskrifte en boeke—dit alles kan gebruik word om tuisbybelstudies met belangstellendes te begin. Omdat die boek, Die grootste mens wat nog geleef het, so wydversprei is en soveel byval gevind het, is dit gebruik om studies te begin. Elkeen moet beslis aangemoedig word om dit te lees en te bestudeer. Ons het dit gedoen deur gereeld vir die Gemeentelike Boekstudie voor te berei en dit by te woon.
2 Daar is egter twee boeke in die besonder waaruit studies met nuwelinge gehou moet word om hulle te help om die basiese Bybelleerstellings asook standaarde vir die Christelike lewe te leer. Hulle is: Jy kan vir ewig in die Paradys op aarde lewe en Verenig in die aanbidding van die enigste ware God. Ons stel voor dat diegene wat tuisbybelstudies uit ander publikasies hou so gou moontlik na een van hierdie boeke oorslaan. As ’n studie uit die Grootste mens-boek gehou is, moedig die student aan om dit op sy eie verder te lees. Daar moet met ’n Bybelstudie voortgegaan word totdat die Paradys op aarde-boek en die Verenig in aanbidding-boek voltooi is, al word ’n persoon dalk gedoop voordat hy met die tweede boek klaar is. Hierdie prosedure sal die Bybelstudent verdere insig en geestelike stabiliteit gee.