Tydige Koninkryksnuus wat wêreldwyd versprei moet word
1 Op Sondag, 23 April, sal ’n spesiale openbare toespraak oor die treffende onderwerp “Die einde van valse godsdiens is naby” gehou word. Aan die einde van die vergadering daardie dag sal ’n gedagteprikkelende Koninkryksnuus met vier bladsye vrygestel word. Die tydige boodskap wat dit bevat, sal wêreldwyd verkondig word gedurende die drie weke vanaf 24 April tot 14 Mei.
2 Mense in alle wêrelddele is verward. Ongeag waar hulle woon, hulle word deur probleme geteister. Die Koninkryksnuus sal veral interessant wees vir diegene wat opreg besorg is oor die dinge wat gebeur, aangesien dit hulle na God se Woord as die onfeilbare bron van leiding vir die mens sal rig (Ps. 119:105). Ons sien almal daarna uit om ’n eksemplaar van die Koninkryksnuus te ontvang wanneer dit op 23 April vrygestel word. Intussen is daar baie wat ons ter voorbereiding van hierdie intensiewe drie week lange kampanje moet doen.
3 Moedig almal aan om ’n ywerige deelname te hê: Wie kan aan die werk deelneem? Almal wat reeds verkondigers is, sal beslis gretig wees om dit te doen! Wat van Bybelstudente wat gemeentelike vergaderinge gereeld bywoon? Party assosieer al ’n hele ruk met ons en maak goeie vordering. Indien hulle hulle lewe in ooreenstemming met skriftuurlike beginsels gebring het, kwalifiseer hulle om Koninkryksverkondigers te wees? Die verkondiger wat die Bybelstudie hou, kan die saak met die student bespreek, en as die student graag aan die velddiens wil deelneem, sal twee ouer manne die inligting met hom hersien op bladsye 98 en 99 van die boek Georganiseer om ons bediening te vervul. Dit moet so gou moontlik gedoen word sodat diegene wat aan die vereistes voldoen om ongedoopte verkondigers te wees ’n volle aandeel aan die kampanje kan hê. Bybelstudente wat nog nie aan die vereistes voldoen om ongedoopte verkondigers te wees nie, kan steeds aangemoedig word om hierdie tydige Koninkryksnuus aan kennisse of familielede mee te deel.—Sien Die Wagtoring van 15 November 1988, bladsy 17, paragraaf 8.
4 Hierdie werk is nie moeilik nie; almal kan ’n aandeel daaraan hê. Ouers kan oefensessies met die Koninkryksnuus ’n deel van die weeklikse gesinsbybelstudie maak sodat alle gesinslede goed voorbereid sal wees om dit van huis tot huis aan te bied. ’n Eenvoudige aanbieding is gewoonlik die beste. Ná ’n kort inleiding kan jy die Koninkryksnuus vir die huisbewoner aanbied en hom aanmoedig om dit te lees. Wanneer huisbewoners belangstelling toon, moet jy ’n aantekening maak sodat jy kan teruggaan om die belangstelling te kweek (1 Kor. 3:6,7). Die sleutel tot sukses is om ’n eenvoudige, goed voorbereide aanbieding te hê.
5 Daar sal ‘volop wees om te doen’ gedurende April en Mei. In Ons Koninkryksbediening vir volgende maand sal verdere inligting voorsien word in die byvoegsel met die titel ‘Volop te doen in die werk van die Here’.—1 Kor. 15:58.