Gee Koninkryksnuus Nr. 35 ’n wye verspreiding
1 Oktober En November Gaan Besige Maande Vir Ons Almal Wees. Gedurende Die Eerste 11 Dae Van Oktober Sal Ons Eksemplare Van Die Wagtoring En Ontwaak! Aanbied. Dan, Van Sondag 12 Oktober Tot En Met Sondag 16 November, Sal Ons Aan Die Wêreldwye Verspreiding Van Koninkryksnuus Nr. 35 Deelneem. Dit Sal Ons Voorreg Wees Om ’N Belangrike Boodskap Aan Al Die Mense In Ons Gebied Oor Te Dra. Dit Is Die Antwoord Op Die Vraag: “Sal Alle Mense Mekaar Ooit Liefhê?” Gedurende Hierdie Spesiale Kampanje Sal Ons Koninkryksnuus Nr. 35 Op Weeksdae Versprei. Oor Die Naweke Sal Ons, Buiten Die Koninkryksnuus, Ook Die Nuutste Nommers Van Die Tydskrifte Aanbied.
2 Wie kan daaraan deelneem? Soos gewoonlik sal die ouer manne die leiding in die werk neem. Almal geniet dit om die Koninkryksnuus te versprei, en baie verkondigers sal ongetwyfeld gedurende een of albei maande van die kampanje as hulppioniers dien. Ander verkondigers sal meer tyd as gewoonlik in die bediening wil deurbring.
3 Het jy ’n Bybelstudent wat al ver gevorder het met sy studie van die Kennis-boek en wat aan die vereistes sal voldoen om binnekort aan die velddiens deel te neem? Miskien kan hy betyds ’n ongedoopte verkondiger word sodat hy aan die Koninkryksnuus-kampanje kan deelneem. ’n Eenvoudige inleiding is al wat nodig is om die traktaat aan te bied. Jy kan byvoorbeeld sê: “Hierdie boodskap is so belangrik dat dit hierdie maand wêreldwyd in 169 tale versprei word. Ek wil graag vir jou jou persoonlike eksemplaar gee.” Selfs jong kinders kan ’n betekenisvolle aandeel aan hierdie opwindende werk hê.
4 Boekstudiehouers moet elke lid van hulle groep aanmoedig om ’n volle deelname aan die verspreiding van Koninkryksnuus Nr. 35 te hê. Daar is miskien ook verkondigers wat onbedrywig geword het, maar wat weer bedrywig in die diens sal wees as hulle die nodige aanmoediging ontvang. Die ouer manne moet elkeen van hierdie persone voor die kampanje besoek en sien wat gedoen kan word om hulle te help om bekwame verkondigers in hierdie aspek van die bediening te vergesel.
5 Wanneer kan ons vir velddiens bymekaarkom? Al hierdie bedrywighede sal vereis dat gerieflike en praktiese reëlings vir groepsgetuieniswerk getref word. Waar moontlik, moet daar velddiensvergaderinge gereël word vir elke weeksdag, oor naweke en in die aande. Dit moet op tye gehou word wat verkondigers en pioniers in staat sal stel om ten volle van die velddienstyd gebruik te maak. Reëlings kan ook getref word om ter wille van skoolkinders, skofwerkers en ander later in die middag bymekaar te kom. Die diensopsiener moet seker maak dat daar genoeg huis-tot-huis- en sakegebied beskikbaar is sodat almal ’n volle aandeel aan die werk kan hê. Waar daar baie verkondigers in ’n gebied is, moet hulle daarop let dat nie te veel van hulle in ’n sekere deel van die gebied werk nie.
6 Wat van mense wat nie tuis is nie? Ons wil persoonlik met soveel huisbewoners as moontlik praat om te verduidelik waarom hulle Koninkryksnuus Nr. 35 moet lees. As daar dus niemand tuis is nie, moet jy die adres neerskryf en op ’n ander tyd van die dag teruggaan. As jy teen die laaste week van die kampanje nog steeds nie met hierdie huisbewoners in aanraking gekom het nie, kan jy ’n eksemplaar van die Koninkryksnuus by die deur laat waar dit nie deur verbygangers gesien kan word nie. Wees bewus daarvan om die Koninkryksnuus, in woongebiede, vir mense aan te bied wat dalk in die straat verbystap. Wanneer daar in ontoegekende gebied of in plattelandse gebiede gewerk word of waar daar meer gebied is as wat gedurende die kampanje gedek kan word, kan ’n eksemplaar van die Koninkryksnuus met die eerste besoek by huise gelaat word waar daar niemand tuis is nie.
7 Wat is ons doelwit? Gemeentes moet probeer om hulle hele voorraad Koninkryksnuus te versprei en hulle gebied heeltemal te dek voor die kampanje op 16 November ten einde loop. As julle gemeente se gebied taamlik groot is en as dit veilig is om op jou eie te werk, sal dit dalk prakties wees om dit te doen. So sal dit vir jou moontlik wees om soveel verdienstelikes as moontlik met die goeie nuus te bereik (Matt. 10:11). In sommige gebiede sal dit dalk voordelig wees om eerder ’n paar traktate in jou hand en ’n Bybel in jou baadjie- of handsak te dra, as om ’n velddienstas te gebruik. Maak seker dat jy goed verslag hou van waar belangstelling gevind is.
8 Is jy reg om te begin? Die ouer manne moet vasstel hoeveel ekstra tydskrifte die gemeente gaan nodig hê en dit dan bestel. ’n Voorraad Koninkryksnuus Nr. 35 sal aan elke gemeente gestuur word. Spesiale, gewone en hulppioniers sal elk 250 eksemplare hê om te versprei, terwyl gemeentelike verkondigers elk 50 eksemplare sal kry. Ons het ’n groot taak voor ons. Is jy gretig om aan hierdie genotvolle werk deel te neem? Jy is ongetwyfeld. Laat ons die belangrike Bybelboodskap in Koninkryksnuus Nr. 35 die wydste moontlike verspreiding gee!