Gaan Augustus ’n spesiale maand wees?
1 Die jaar 1963 was ’n spesiale jaar vir Jehovah se volk. Weet jy waarom? Dit was toe dat die getal verkondigers regoor die wêreld die eenmiljoen-kerf bereik het. As jy destyds in die waarheid was, sal jy moontlik onthou hoe opgewonde ons was om soveel broers te hê wat die Koninkryksboodskap verkondig! Nou is daar soveel verkondigers in die Verenigde State alleen. Maar in Suid-Afrika is daar elke maand gemiddeld 4 500 van ons wat nie ’n deelname aan die bediening rapporteer nie.
2 Aanvaar die uitdaging: Ons probeer in Augustus ’n hoogtepunt van 65 000 verkondigers in Suid-Afrika bereik. As ons pogings slaag, sal Augustus waarlik ’n spesiale maand wees! Ons kan dit regkry as ons almal ons deel bydra.
3 Diegene wat vakansies beplan, kan tyd in die bediening deurbring voordat hulle vertrek. Neem traktate, brosjures of tydskrifte saam met jou sodat jy vir mense kan getuig wat jy op pad ontmoet. Jy kan ook by jou bestemming saam met die plaaslike verkondigers aan die bediening deelneem.
4 Selfs al is jy ’n invalide kan jy ’n deelname aan die bediening hê. Jy kan dalk vir dokters, verpleegsters of besoekers getuig. Miskien kan jy per brief of per telefoon getuig.
5 Sommige sal ongetwyfeld hulp waardeer om in Augustus aan die velddiens deel te neem. Ouer manne, bedieningsknegte en studiehouers moet reël dat hierdie hulp verleen word. Moet tog nie vergeet om jou velddiensrapport stiptelik aan die einde van die maand in te gee sodat jy in Augustus as ’n verkondiger getel sal word nie.
6 Koester die voorreg: Die bediening is ’n “voortreflike pand” (2 Tim. 1:14). Ons waardeer die voorreg wat ons gegee is om die goeie nuus te verkondig (1 Tess. 2:4). Wanneer ons dink aan alles wat Jehovah al vir ons gedoen het, behoort ons beweeg te word om heeljaar ’n volgehoue deelname aan hierdie allerbelangrikste werk te hê. Ons moenie toelaat dat enigiets ons verhinder om gereeld aan die predikingswerk deel te neem nie. Laat ons hierdie Augustus ’n spesiale maand in Jehovah se diens maak en ons voorneem om elke daaropvolgende maand van hom te getuig!—Ps. 34:2.