Help ander om vergaderinge by te woon
1 “Alle vriende in die omgewing . . . wat graag die vergaderinge wil bywoon, word hartlik uitgenooi om dit te doen.” Sedert hierdie aankondiging in Zion’s Watch Tower se nommer van November 1880 verskyn het, nooi Jehovah se Getuies mense gretig uit om vir Bybelonderrig bymekaar te kom (Op. 22:17). Dit is ’n onontbeerlike deel van ware aanbidding.
2 Dit is noodsaaklik om teenwoordig te wees: Dit het seëninge tot gevolg wanneer ons met die gemeente assosieer. Ons leer ons wonderlike God, Jehovah, beter ken. In die gemeente kom ons byeen om “deur Jehovah geleer [te] word” (Jes. 54:13, NW). Sy organisasie sit ’n volgehoue program van Bybelonderrig uiteen wat ons nader aan hom bring en ons praktiese hulp gee om “al die raad van God” toe te pas (Hand. 20:27; Luk. 12:42). Vergaderinge voorsien persoonlike opleiding in die kuns om God se Woord aan ander te leer. Herinneringe uit die Skrif help ons om suksesvolle verhoudings met ander en met Jehovah self te geniet. Assosiasie met diegene wat lief is vir God, versterk ons geloof.—Rom. 1:11, 12.
3 Rig ’n direkte uitnodiging: Nooi elke Bybelstudent van die heel eerste studie af om die vergaderinge by te woon. Gee hom ’n strooibiljet. Wek sy belangstelling deur hom iets van die vorige vergadering te vertel wat jou bemoedig het en deur iets te bespreek wat by die volgende vergadering gedek sal word. Beskryf wat by die Koninkryksaal gebeur, en maak seker dat hy weet hoe om daar te kom.
4 As ’n student nie dadelik die vergaderinge bywoon nie, moet jy hom bly nooi. Sit elke week ’n paar minute opsy om vir hom te wys hoe ons organisasie werk. Gebruik die Uitvoering van God se wil-brosjure en die video Jehovah’s Witnesses—The Organization Behind the Name om hom met ons en ons vergaderinge vertroud te maak. Neem ander verkondigers saam sodat die student hulle kan leer ken. Dank Jehovah in gebed vir die organisasie en meld hoe belangrik dit is dat die student daarmee assosieer.
5 Moenie huiwer om nuwe belangstellendes te help om saam met ons te vergader nie. Namate hulle waardering vir Jehovah toeneem, sal hulle beweeg word om toe te pas wat hulle leer en ’n deel van God se verenigde organisasie te word.—1 Kor. 14:25.