Wat is die doel?
1 Waarom hou ons tuisbybelstudies? Is dit bloot om kennis oor te dra, mense se lewens te verbeter of hulle ’n helderder hoop vir die toekoms te gee? Nee. Ons vernaamste doelwit is om dissipels van Jesus Christus te maak! (Matt. 28:19; Hand. 14:21). Dit is waarom diegene met wie ons studeer met die gemeente moet omgaan. Hulle geestelike vordering hou direk verband met hulle waardering vir die Christenorganisasie.
2 Hoe om dit te bereik: Spoor die student van die begin af voortdurend aan om gemeentelike vergaderinge by te woon (Heb. 10:24, 25). Verduidelik hoe dit sy geloof sal versterk, hom sal help om God se wil te doen en hom die geleentheid sal gee om heilsame assosiasie te geniet met ander wat ook graag Jehovah wil loof (Ps. 27:13; 32:8; 35:18). As jy jou liefde en waardering vir die gemeente en die vergaderinge uitspreek, sal dit sy begeerte aanwakker om dit by te woon.
3 Nuwelinge moet verstaan dat Jehovah se organisasie ’n internasionale broederskap is. Wys hulle die video’s Jehovah’s Witnesses—The Organization Behind the Name en Our Whole Association of Brothers. Help hulle om te besef dat Jehovah miljoene toegewyde mense regoor die wêreld gebruik om sy wil te volbring. Laat hierdie nuwelinge weet dat hulle ook genooi word om God te dien.—Jes. 2:2, 3.
4 Dit is ’n bron van baie groot vreugde om te sien hoe ’n Bybelstudent ’n ware dissipel van Jesus word. Dít is ons doelwit!—3 Joh. 4.