Wat ons oor die tydskrifte kan sê

Wagtoring 15 Feb.

“Het jy al ooit gewonder hoe jy jou lewe op die beste manier kan rig en belangrike besluite kan neem? [Wag vir ’n antwoord.] Van die beste riglyne, soos die Gulde Reël, word in die Bybel gevind. [Lees Matteus 7:12.] Watter ander Goddelike beginsels kan ons regstreeks tot voordeel strek? Jy sal die antwoord in hierdie tydskrif vind.”

Ontwaak! 22 Feb.

“Jy het dalk opgelet dat baie werksplekke gevaarliker geword het. Hierdie tydskrif bevat uitstekende wenke oor hoe dit veiliger gemaak kan word. Dit toon ook dat ons welsyn verband hou met hoe gebalanseerd ons beskouing van sekulêre werk is. Lees dit asseblief.”

Wagtoring 1 Mrt.

“Met alles wat deesdae gebeur, wonder die meeste van ons wat die toekoms inhou. In ’n welbekende gebed het Jesus Christus die rede gegee waarom ons met vertroue na die toekoms kan uitsien. [Lees Matteus 6:9, 10.] Die mensdom herhaal foute wat lank gelede al gemaak is. Maar in daardie dae het diegene wat God gedien het, ’n gelukkige toekoms gehad. Hierdie tydskrif toon hoe ons ook ’n gelukkige toekoms kan hê.”

Ontwaak! 8 Mrt.

“Die Bybel beklemtoon hoe belangrik goeie onderrigting is. [Lees Spreuke 2:10, 11.] Die meeste van ons besef hoe noodsaaklik dit is dat kinders gekwalifiseerde onderwysers moet hê. Die Ontwaak! vestig die aandag op die kritieke rol van onderwysers, hoe ons hulle opofferings behoort te waardeer en wat ouers kan doen om hulle met hulle moeilike taak te help.”