Wat ons oor die tydskrifte kan sê

Wagtoring 15 Mei

“Dink jy dat dit moontlik is om God te leer ken? [Wag vir ’n antwoord.] Jy sal seker saamstem dat dit moeilik is om in iemand te glo van wie jy baie min weet. Om die waarheid te sê, die Bybel spoor ons aan om God te soek. [Lees Handelinge 17:27.] Hierdie artikels toon hoe ons God beter kan leer ken.”

Ontwaak! 22 Mei

“Wêreldleiers het al met baie idees geëksperimenteer in ’n poging om ons probleme op te los. Een van hierdie nuwe strategieë staan bekend as globalisasie. In hierdie tydskrif kan jy lees watter uitwerking dit moontlik reeds op jou lewe het. Jy kan ook lees van ’n wêreldwye oplossing wat in die Bybel voorspel word.” Lees dan Matteus 6:9, 10.

Wagtoring 1 Jun.

“Onlangse gebeure laat baie mense wonder waarom onskuldige mense ’n ontydige dood sterf. Het jy al gewonder waarom mense sterf? [Wag vir ’n antwoord, en blaai dan na die tabel op bladsy 7.] Sal jy graag wil sien wat die Bybel oor een van hierdie algemene mites sê?” Lees indien moontlik ’n teks wat aangegee word.

Ontwaak! 8 Jun.

“Baie mense dink dat godsdiens en die wetenskap in stryd met mekaar is. Party dink selfs dat dit onmoontlik is vir iemand wat wetenskaplik ingestel is, om in God te glo. Wat dink jy hiervan? [Wag vir ’n antwoord.] Hierdie Ontwaak! bevat ’n baie insiggewende bespreking oor dié onderwerp.”