Vraebus

◼ Wanneer is dit gepas om ’n anderstalige of gebaretaalgroep te vorm?

Wanneer ’n gemeente se gebied ’n redelike groot anderstalige bevolking insluit, moet die ouer manne doen wat hulle kan om die predikingswerk in daardie taal te organiseer (km-AF 7/02 bl. 1; km-AF 2/98 bl. 3-4). Moontlik is die anderstalige of dowe gemeenskap regoor die gebied van twee of meer naburige gemeentes versprei. In so ’n geval sal die kringopsiener(s) die nodige riglyne voorsien en sodoende die betrokke gemeentes help om die predikingswerk saam te organiseer. ’n Openbare toespraak of Wagtoring-studie kan van tyd tot tyd gereël word om te bepaal hoeveel mense die vergaderinge in daardie taal sal bywoon.

’n Groep kan gevorm word wanneer daar aan die volgende vereistes voldoen word: (1) Daar is verkondigers of belangstellendes wat die goeie nuus beter verstaan in daardie taal. (2) ’n Bekwame ouer man of bedieningskneg is beskikbaar om die leiding te neem en ten minste een weeklikse vergadering te hou. (3) ’n Liggaam van ouer manne is gewillig om die groep te ondersteun. Wanneer daar aan hierdie vereistes voldoen word, moet die ouer manne die takkantoor in kennis stel sodat die groep amptelik erken kan word en verdere riglyne gegee kan word.

Die meeste groepe begin deur weekliks die Gemeentelike Boekstudie te hou. Later kan die ouer manne dit goedkeur dat ook ander vergaderinge, soos die Openbare Vergadering en die Wagtoring-studie, gehou word. Toesprake Nr. 2, 3 en 4 op die Teokratiese Bedieningskool kan in ’n aparte vertrek gehou word as ’n bekwame ouer man of bedieningskneg wat die taal ken, die raadgewer kan wees. Maar die groep sal die instruksietoespraak, Bybelglanspunte en Diensvergadering saam met die gemeente bywoon. Velddiensvergaderinge kan ook vir die groep gereël word.

Hierdie inligting geld ook vir die vorming van afgesonderde groepe in ’n gemeente se toegekende of ontoegekende gebied. Dit is altyd beter as ’n nabygeleë gemeente na hierdie groepe kan omsien, indien dit enigsins moontlik is.

Almal in die groep werk ten nouste saam onder die toesig van die liggaam van ouer manne. Die ouer manne moet gebalanseerde leiding gee en inisiatief aan die dag lê om na die behoeftes van die groep om te sien. Wanneer die kringopsiener die gemeente besoek wat na die groep omsien, sal hy ook reël om saam met die groep te werk om hulle geestelik op te bou. Met Jehovah se seën kan die groep mettertyd ’n gemeente word.