Wat gaan jy met jou lewe doen?
1 Kinders word soms gevra: “Wat wil jy wees wanneer jy groot is?” Het jy, toe jy ’n klein seuntjie was, gesê dat jy ’n vlieënier, ’n brandweerman of ’n kringopsiener wil wees? Of het jy as ’n klein dogtertjie gesê dat jy ’n balletdanseres, ’n verpleegster of ’n sendeling wil wees? Noudat jy ouer is, moet jy jou iets anders afvra: ‘Wat gaan ek met my lewe doen?’ Is jy gereed om te besluit?
2 Om jou te help om die beste moontlike besluit te neem, het Jehovah se organisasie die DVD Young People Ask—What Will I Do With My Life? gemaak. Kyk asseblief daarna en dink ernstig na oor alles wat dit bevat, met inbegrip van die drama, onderhoude en bykomende inligting. Die inhoud word in die venster “Main Menu” uiteengesit.
3 Die drama: Terwyl jy na die drama kyk, moet jy oor hierdie vrae nadink: (1) Watter ooreenkomste is daar tussen Timoteus, waarvan die Christelike Griekse Geskrifte praat, en Andre? (Hand. 16:1; 1 Tim. 4:8; 2 Tim. 1:5). (2) Hoe is daar druk op Andre uitgeoefen om in atletiek uit te blink, en deur wie? (3) Wie het ’n positiewe invloed op Timoteus en op Andre uitgeoefen, en in watter opsigte? (2 Tim. 1:1-4; 3:14, 15). (4) Watter uitwerking het die vermaning in Matteus 6:24 en Filippense 3:8 op Andre gehad, en watter uitwerking het dit op jou?
4 Spesifieke tonele: Nadat jy na die hele drama gekyk het, kan jy gerus weer na die volgende tonele kyk en hierdie vrae beantwoord. “Paul and Timothy”: Wat was Paulus se laaste vermaning aan Timoteus? (2 Tim. 4:5). “Giving Jehovah Your Best”: Watter soort geestelike doelwitte het jy? “Taking a Stand for Jehovah”: Waaruit spruit ware geluk voort? “Grandmother’s Advice”: Wat is daarmee verkeerd om ’n ster in Satan se wêreld te wil wees? (Matt. 4:9). “No Regrets”: Watter ontdekking kan jou help om voldoening in die lewe te vind?—Spr. 10:22.
5 Onderhoude: Wat sien jy in elkeen van die volgende dele wat jy kan doen om Jehovah jou beste te gee? (1) “Dedication to Vain Pursuits or to God?” (1 Joh. 2:17); (2) “Learning to Enjoy Your Ministry” (Ps. 27:14) en (3) “An Open Door to Service”.—Matt. 6:33.
6 Wanneer hulle terugkyk: Kan jy die volgende vrae beantwoord? (1) Watter loopbane het die broer en die suster voorheen gevolg, en waarom? (2) Hoe suksesvol was hulle? (3) Wat was die keerpunt in elkeen se lewe? (2 Kor. 5:15). (4) Watter teokratiese loopbane het hulle vorige loopbane vervang, en waarom het hulle gemeen dat hulle nie al twee kan volg nie? (5) Is hulle enigsins spyt omdat hulle hulle doelwitte in die lewe verander het? (6) Wat het hulle gesê wat jou veral laat nadink oor wat jy met jou lewe moet doen?
7 Bykomende onderhoude: Wat het jy in die volgende onderhoude geleer oor wat jy kan doen om jou meer op Jehovah se diens toe te lê? (1) “The Value of Personal Study”, (2) “Alternative Witnessing”, (3) “Bethel Service”, (4) “Gilead Missionary Training” en (5) “Ministerial Training School”. Hersien “Index to Published Information on Related Subjects”, en lees meer oor dít waarin jy die meeste belangstel.
8 Het jy al besluit wat jy met jou lewe gaan doen? Paulus het Timoteus aangespoor: “Peins oor hierdie dinge; wees verdiep daarin, sodat jou vooruitgang vir almal duidelik kan wees” (1 Tim. 4:15). Ons spoor jou aan om dieselfde te doen met wat jy op hierdie DVD gesien en gehoor het. Vra Jehovah om jou te help om ’n verstandige keuse te doen wat jou nou ware vreugde en voldoening in die lewe sal gee sowel as ’n lonende en gelukkige toekoms.
[Venster op bladsy 3]
MAIN MENU
Play Drama
Scenes (11 keuses)
Interviews
Play All
Sections (3 keuses)
Looking Back
Supplementary Material
Supplementary Interviews
Index to Published Information on Related Subjects
Subtitles
Hearing Impaired
None
Gebruik die Next ▶, ◀ Back en Main Menu-knoppies om deur die kieslyste te gaan.