Young People Ask—What Will I Do With My Life? (Deel 1)

Terwyl jongmense grootword, moet hulle belangrike besluite neem. Om hulle te help, is die video Young People Ask—What Will I Do With My Life? voorberei. Selekteer Play Drama op die kieslys en kyk dan of jy die vrae in paragraaf 2 kan beantwoord. Selekteer dan Interviews en daarna Looking Back op die kieslys en probeer die vrae in paragraaf 3 beantwoord.

Drama: (1) In watter opsigte was Timoteus se situasie soortgelyk aan dié van baie jong Christene van vandag? (2) Hoe is daar druk op Andre uitgeoefen om in atletiek uit te blink? (3) Wat het broer Fleissig vir Andre oor die volgende gesê: (a) om aan Jehovah sowel as aan ’n sport toegewyd te wees? (Matt. 6:24) (b) die bron van ware geluk? (c) waaraan sy bord in die konsentrasiekamp hom herinner het? (d) die mense in die foto saam met hom en sy vrou? (e) of hy spyt was dat hy sy drome prysgegee het? (Fil. 3:8) (4) Hoe het Andre se ouma geantwoord op sy vraag: “Is dit verkeerd van my om ’n atletiekster te wil wees?” (Luk. 4:5-7) (5) Het die feit dat Andre die wedloop gewen het, vir hom ware bevrediging gebring? (6) Wat het jy omtrent broer Fleissig se laaste brief aan Andre waardeer? (Spr. 10:22) (7) Wat het broer Fleissig Andre gehelp om te besef?

Wanneer hulle terugkyk: (8) Watter loopbane het die broer en suster nagestreef, en waarom? (9) Hoe suksesvol was hulle? (10) Wat was die keerpunt in elkeen se lewe? (2 Kor. 5:15) (11) Watter teokratiese loopbane het hulle vorige loopbane vervang, en waarom het hulle gemeen dat hulle nie al twee kan nastreef nie? (12) Was hulle enigsins spyt omdat hulle hulle doelwitte in die lewe verander het? (13) Wat het hulle gesê wat jou laat nadink het oor wat jy met jou lewe moet doen?

Kyk asseblief na die ander onderhoude en aanvullende materiaal, en wees gereed om daaroor kommentaar te lewer wanneer dit volgende week gedurende die Diensvergadering bespreek word.